Jeŋıs künı jaqyndaǧan saiyn Qarjaubai kökemdı jiı oiyma alamyn. Būl kısı – el şetıne jau tigende qolyna qaru alyp, sūm soǧystyŋ saz balşyǧyn keşken ardagerlerdıŋ bırı.
Maidanger 1918 jyly Aqmola oblysy Ereimentau audany Qaraǧaily auylynda düniege kelgen. Soǧys bastalǧan jyly äskerge alynyp, bırınşı Belarus maidanynyŋ №306 atqyştar polkınıŋ qūramynda zeŋbırekşı bolyp, talai qiian-keskı ūrystarǧa qatysqan. 1945 jyly 22 qaŋtar men 20 nauryz aralyǧynda Şyǧys Prussiia aimaǧyndaǧy ūrys kezınde janqiiarlyq erlıgı üşın «Qyzyl jūldyz» ordenımen marapattalǧan.
Qarjaubai kökemnıŋ aqyndyq qasietı de bolǧan. Maidan dalasynda jürgende tuǧan jerı men bauyrlaryn saǧynǧanda şerın öleŋmen tarqatyp, ony hat türınde jıberıp otyrǧan. Sondai hattardyŋ bırınde kökem:
Ajaldyŋ talai qaldym
arasynan,
Jan saqtap qaraǧaidyŋ
panasynan.
Sau baryp däm tatatyn kün
bola ma?
Dariǧa-ai, Aqmolanyŋ
qalasynan.
Otyrmyz oq astynda öleŋ
jazyp,
Şybyn jan panalarǧa
okop qazyp.
Qalmady men körmegen
qiynşylyq,
När tatpai üş-tört
täulık jürek talyp.
Sälemde Rahila atty
anamyzǧa,
Bıldırmei amandyqty
jatamyz ba?
Dünie-au, būl soǧystan
aman qaityp,
Sızderdıŋ qolyŋyzdan
däm tatamyz ba?
Osy öleŋ şumaqtarynan qandy qyrǧynnyŋ auyr qasıretın sezesız. Bıraq kökemnıŋ anasymen, bauyrlarymen qauyşsam degen armany oryndaldy. 1945 jyly säuır aiynda auyr jaralanyp, gospitalǧa tüsıp, soǧys aiaqtalǧannan keiın aman-esen elge oraldy. Sodan keiın soǧystan tūralap qalǧan şaruaşylyqty köteruge belsene atsalysty. Ūzaq jyldar boiy Ereimentau audanynda eŋbek etıp, zeinetkerlıkke şyqty. Beibıt kündegı eŋbegı üşın bırqatar medaldarmen marapattaldy. Jamal tätem ekeuı bırneşe bala süiıp, qyryq jyldan astam tatu-tättı ǧūmyr keştı. Bır ökınıştısı, kökem erjetken Jūmaǧali degen balasynyŋ ǧana qyzyǧyn körıp, 68 jasynda ömırden ötıp kettı. Bıraq ta Qarjaubai Şaqai balasyn tuǧan elı, jaqyn aǧaiyndary adamgerşılıgı joǧary, qaiyrymy mol, adal azamat retınde eske alyp, qadır tūtyp jüredı.
Babai QALQAMANOV
