BALA SAULYǦY BAQYLAUSYZ EMES
Tūŋǧyş Prezident künı Memleket basşysy, «Nūr Otan» partiiasynyŋ Töraǧasy Nūrsūltan Nazarbaev Respublikalyq qoǧamdyq qabyldaudyŋ elordadaǧy jaŋa ǧimaratynda ötınışpen kelgen azamattardy qabyldady. Solardyŋ arasynda Astanadaǧy mamandandyrylǧan Balalar üiınıŋ direktory Gülnär Qūlyşeva da boldy.
Osydan ekı jyl būryn «Qasiettı jol» qaiyrymdylyq qorynyŋ qoldauymen sapaly qūral-jabdyqtar satyp alyp, sal auruy diagnozy qoiylǧan balalarmen jūmys ıstei bastaǧandary turaly äŋgımelegen bas därıger aldymen tört balany şetelge aparyp teksertıp äkelgenderın olar bırden şetelge şyqpai, äuelı bızdegı därıgerlerdıŋ tekserıluınen ötıp, keŋes alǧandaryn, sodan keiın baryp qana mamandardyŋ kelısımımen şetelge jıberılgenın jetkızdı.
«Denı sau bala – ūlt bolaşaǧy» jobasynyŋ arqasynda Koreiada, Reseide em alǧan 16 balanyŋ ony oŋ nätijege qol jetkızgen. Sondai-aq, atalmyş qordyŋ qoldauymen respublikamyzdyŋ alty aimaǧyndaǧy balalar üiıne jalpy somasy 7,5 mln teŋgenıŋ oŋaltu qondyrǧylary satyp alyndy. Qalǧan on oblys ta baǧdarlamadan tys qalmaidy. Būl rette Ainūr Myrzahanqyzynyŋ eŋbegın erekşe atap ötken jön. Ol jetekşılık etetın ūjymnyŋ kün saiyn jürgızgen innovasiialyq jaŋa ädıstemelerınıŋ arqasynda Balalar üiındegı Diliara, İslam esımdı balaqailar aiaǧynan tūryp, öz betterımen otyratyn halge jetken. Sal auruyna şaldyqqan basqa da balalardyŋ psihikalyq jaǧdailary jaqsaryp, eşteŋege män bermeitın keibır säbiler ainalasyndaǧy qūbylystarǧa köz toqtatyp qaraityn bolǧan.
Jalpy, būl joba Astana qalasy äkımdıgınıŋ jäne Densaulyq saqtau basqarmasynyŋ qoldauymen jüzege asyryluda.
«Balalardy neǧūrlym erte sauyqtyrsaq, nätijesı de soǧūrlym köp bolady. İnnovasiialyq jaŋa ädıs-täsılderdı kün saiyn qoldanudyŋ arqasynda bızdegı otyra almaityn balalar aiaǧynan tūryp, qozǧalmaityn balalar eŋbektep kettı. Endeşe, kez kelgen balalar üiınde osyndai ortalyq boluy kerek» dedı «Nūr Otan» partiiasynyŋ 50 tūlǧasy» jobasynyŋ qatysuşysy G.Qūlyşeva.
Memleket basşysy Balalar üiındegı mūndai nätijelerge quanyşyn jasyrmai, sal auruy diagnozy bar balalardy oŋaltu ortalyǧyna qoldau bıldırdı. Odan ärı «Nūr Otan» töraǧasy äkımdıkterge tapsyrma berıletının, al partiia jüiesınıŋ būl bastamany qamqorlyǧyna jäne baqylauyna alatynyn atap öttı.
«Nūr Otan», şyn mänınde, halyqtyq partiia ekenın eskere kele, soŋǧy ekı jyl boiy osy partiiamen bırge qoiyŋ-qoltyq jūmys ıstegenderıne toqtalǧan Gülnar Qūlyşeva elımızdegı ana men balaǧa degen erekşe qamqorlyǧy üşın Elbasyna alǧys aitty.
Gülbarşyn ÖKEŞQYZY