Astana qalalyq mäslihatynyŋ deputattary elordadaǧy äleumettık mekemelerde bolyp, ondaǧy tynys-tırşılıkpen tanysty. Eŋ äuelı deputattar Astana qalasy äkımdıgınıŋ mamandandyrylǧan balalar üiınde boldy.
Mamandandyrylǧan balalar üiınıŋ bas därıgerı Säule Kenjebaevanyŋ aituynşa, mekeme 100 balaǧa arnalǧan. Alaida qazırgı taŋda balalar üiınde 79 bala tärbielenıp jatyr. Balalardyŋ 34-ınen ata-analary bas tartsa, 31 tastandy, al 1 jetım bala bolyp sanalady. Sondai-aq, 13 balany ata-analary osy mekemege uaqytşa qarauǧa qaldyrǧan. Bır quantarlyq jaǧdai, atalǧan mekemede tärbielenuşı balalardyŋ sany jyl ötken saiyn azaiyp kele jatyr. Mäselen, balalar üiınde 2015 jyly 82 bala bolsa, ötken jyly 88 bala meken etken. Öitkenı elımızdıŋ azamattary atalǧan mekemeden bala asyrap aluǧa qyzyǧuşylyq tanytyp otyr.
Būdan keiın mäslihat deputattary Astana qalasy äkımdıgınıŋ Balalar üiınde bolyp, tärbielenuşılermen kezdestı. Direktordyŋ mındetın atqaruşy Oksana Dziuba balalar üiınıŋ 170 balaǧa arnalǧanyn aitady. Alaida däl qazırgı taŋda mekemede 116 bala tärbielenıp jatyr. Sondai-aq ol balalar üiınde tärbielenıp jatqan jetkınşekterdıŋ memlekettık tılde erkın söileitının maqtanyşpen aityp öttı. İä, elımızde tūratyn diaspora ökılderınıŋ qazaq tılın meŋgergenı – maqtanuǧa tūrarlyq jait. Sebebı Memleket basşysy Nūrsūltan Nazarbaev «Qazaqstannyŋ bolaşaǧy – qazaq tılınde» dep tekten tek aitqan joq.
Bügınde «Zorlyq-zombylyq nemese zorlyq-zombylyq saldarynan qiyn jaǧdaiǧa tap bolǧan adamdarǧa arnalǧan daǧdarys ortalyǧy» köptegen adamdarǧa pana bolyp otyr. Aitalyq, 50 adamǧa arnalǧan ortalyqqa 18 ben 58 jas aralyǧyndaǧy äielder kelıp, uaqytşa kömek alady. Mekeme basşysy Ǧaliia Nuridıŋ aituynşa, jyldan jylǧa ortalyqqa kelıp kömek alǧysy keletın jandardyŋ sany artqan. Mäselen, 2013 jyly 2 äiel,
7 bala, iaǧni, barlyǧy 9 adam ortalyqtyŋ kömegıne jügıngen. Sondai-aq, 2014 jyly ortalyqty 110, 2015 jyly 148, 2016 jyly 237 adam panalaǧan. Al biylǧy jyldyŋ bırınşı toqsanynda 134 adam kömek sūrap kelgen.
Mäslihat deputattary köpşılık qauym osyndai ortalyqtyŋ bar ekenın bılmeitının, sondyqtan da mekemenıŋ meken-jaiyn ärtürlı jerlerge jariialau kerek ekenın eskerttı. Alaida Ǧaliia Nuri ortalyqtyŋ meken-jaiyn jariialasaq, keibır äielderdıŋ küieulerı ızdep kelıp, mazany alatynyn alǧa tartyp otyr.
Serık JOLDASBAI
