Ükımet basşysy Asqar Maminnıŋ töraǧalyǧymen Nūr-Sūltan qalasy jaŋa ortalyǧynyŋ qūrylysyn baqylau jönındegı memlekettık komissiianyŋ otyrysy öttı.
2019-2023 jyldarǧa arnalǧan Nūr-Sūltan qalasy qūrylysynyŋ keşendı josparyn jüzege asyru turaly qala äkımı A.Kölgınov, tūrǧyn üi salu, injenerlık jäne jol-kölık infraqūrylymyn damytu turaly İndustriia jäne infraqūrylymdyq damu ministrı B.Atamqūlov, elordany gazdandyru turaly Energetika ministrı N.Noǧaev, mektepter salu turaly Bılım jäne ǧylym ministrı A.Aimaǧambetov, halyqty sumen qamtamasyz etu jaǧdaiy turaly Ekologiia, geologiia jäne tabiǧi resurstar ministrı M.Myrzaǧaliev, sondai-aq ortalyq memlekettık organdardyŋ basqa da basşylary beiındı jūmys baǧyttary turaly baiandady.
Biyl Nūr-Sūltan qalasynda şamamen 3 mln şarşy metr tūrǧyn üi, sonyŋ ışınde 8 myŋ qoljetımdı päter paidalanuǧa berıledı. Tūrǧyn üi alaptarynyŋ injenerlık-kommunikasiialyq infraqūrylymyn damytu jūmystary jürgızılıp jatyr. Üleskerler mäselesın şeşu aiasynda biyl 20 nysannyŋ qūrylysy aiaqtalady (2019 jyly – 10). Jeltoqsan aiynyŋ basynda 7 jyldyq tarihy bar «Garant» tūrǧyn üi keşenı paidalanuǧa berıldı. Qalǧan 22 problemalyq nysandy 2021-2023 jyldar aralyǧynda paidalanuǧa beru közdelgen.
Biyl elordada 150 aula jäne 60 qoǧamdyq keŋıstık (760 myŋ şarşy metr) abattandyryldy, 106 myŋ jasyl jelek otyrǧyzyldy. №1 jylu-elektr ortalyǧy jäne №2 jylu-elektr ortalyǧy ışınara gazǧa auystyryldy. «Köktal» tūrǧyn alabyna aparatyn gaz qūbyrynyŋ qūrylysy aiaqtaldy. «Jeleznodorojnyi» tūrǧyn alabynda 100 paiyz taratu jelılerı salyndy. «Agroqalaşyqtyŋ» bır bölıgı, «Köktal-1», «Köktal-2» tūrǧyn üi alaptary aiaqtalu satysynda tūr, «Küigenjar», «Michurino», «İnternasionalnyi» tūrǧyn üi alaptaryn gazdandyru jūmystary jürgızılude. Jalpy alǧanda, elordanyŋ tūrǧyn üi alaptarynda 300 km-ge juyq gaz qūbyry salyndy, 5 myŋnan astam üi gazben jabdyqtau jüiesımen qamtamasyz etıldı.
Aǧymdaǧy jyly elordada 12 mekteptıŋ qūrylysy aiaqtaldy, būl ötken jyldyŋ körsetkışınen 2 esege köp. 2021 jyly qosymşa 15 mektep salyp, paidalanuǧa beru josparda bar. Otyrysqa qatysuşylar tūrǧyn üidıŋ qoljetımdılıgın odan ärı arttyru, äleumettık nysandar qūrylysy, tırşılıktı qamtamasyz etu jäne kölık infraqūrylymyn damytu, äleumettık maŋyzy bar azyq-tülık önımderınıŋ baǧasyn ūstap tūru tärızdı jüielı mäselelerdı qarastyrdy. Premer-ministr qalanyŋ qysqa merzımdı jäne ūzaq merzımdı damuyna qatysty barlyq mäseleler bes jyldyq kezeŋge arnalǧan elordanyŋ yqşam qūrylysy jönındegı keşendı josparmen üilestırıluı tiıs ekenın atap öttı.
«Qazaqstannyŋ Tūŋǧyş Prezidentı – Elbasy Nūrsūltan Äbışūly Nazarbaev pen Memleket basşysy Qasym-Jomart Kemelūly Toqaev elordany damytuǧa erekşe köŋıl böledı. Nūr-Sūltan qalasy qūrylysynyŋ keşendı josparynyŋ ıs-şaralaryn sapaly ärı uaqytyly oryndau üşın barlyq şaralardy qabyldau qajet» dedı A.Mamin. Ükımet basşysy elordany damytuǧa investisiialar tartu boiynşa jūmysty jandandyru qajettıgıne, tūrǧyn üi, äleumettık-mädeni jäne kölık infraqūrylymy qūrylysynyŋ josparlanǧan kölemın qamtamasyz etuge, sondai-aq qalany sumen qamtamasyz etu jäne abattandyru problemalaryn şeşu qajettıgıne nazar audardy.
