Elorda ırgesındegı «Etnoauyl» ūlttyq-mädeni keşenınde Bailanys jäne aqparat qyzmetkerlerınıŋ künıne orai QR Mädeniet jäne sport ministrı Arystanbek Mūhamediūly «Memlekettık tıl jäne BAQ» atty respublikalyq konkurstyŋ jeŋımpazdaryn marapattady.
Şaranyŋ aşylu saltanatynda ministr memlekettık tıldıŋ mereiın üstem, märtebesın biıktetude būqaralyq aqparat qūraldary ökılderınıŋ rölı zor ekendıgıne toqtalyp, olardy töl merekesımen qūttyqtady.
Biylǧy dästürlı baiqauǧa tört nominasiia boiynşa 200-ge juyq material tüsıp, 80-nen astam ümıtker tūlparlaryn ükılep bäigege qosqan. Būl ötken jyldarmen salystyrǧanda bırneşe ese köp. Jülde qory da molaiǧan.
Sonymen, konkurstyŋ qorytyndysy boiynşa «Üzdık maqala» atalymynda bırınşı oryndy Nūrlybek Safin alsa, ekınşı oryndy «Egemen Qazaqstan» gazetınıŋ Şyǧys Qazaqstan oblysyndaǧy menşıktı tılşısı Azamat Qasym ielendı. Üşınşı oryn M.H.Dulati atyndaǧy Taraz memlekettık universitetınıŋ dekany Äzımhan Ybyraiymǧa būiyrdy. «Üzdık telebaǧdarlama» nominasiiasynda «Qazaqstan» ūlttyq telearnasynyŋ qyzmetkerı Serık Jūmabek top jarsa, ekınşı oryn osy telearnadaǧy «Mäsele» baǧdarlamasynyŋ jürgızuşısı, jurnalist Nartai Aralbaiūlyna berıldı. Üşınşı oryndy «Saryarqa» telearnasynyŋ tılşısı Gülbaqşa Aqajanova enşıledı. «Üzdık radiobaǧdarlama» atalymynda Qazaq radiosynyŋ jurnalisı Erbol Alşynbaidyŋ asyǧy alşysynan tüstı. Ekınşı oryn jurnalist Äsemgül Amanjolǧa tabys etılse, üşınşı oryndy «Şalqar» radiosynyŋ tılşısı Talant Arǧynǧali aldy. «Üzdık sait maqalasy» nominasiiasynda Madiiar Arystanbaevtyŋ baǧy örlese, ekınşı oryndy belgılı jurnalist, aqyn Erkeǧali Beisenov ielendı. Üşınşı oryn Qymbat Eltaiqyzyna berıldı.
Al baiqaudyŋ bas jüldesı qazaq jurnalistikasynyŋ qara narlarynyŋ bırı, kezınde respublikalyq «Ana tılı» basylymynyŋ alǧaşqy bas redaktory bolǧan tūsta memlekettık tıldıŋ mūŋyn mūŋdap, jyryn jyrlaǧan parasatty publisist, ǧibratty ǧalym, zerdelı zertteuşı Jarylqap Beisenbaiūlyna būiyrdy. Qazylar alqasy onyŋ «Elımızdegı alǧaşqy latynşa sait qalai aşyldy?» jäne «Terminologiialyq täjıribe tälımderı» atty oily dünielerın üzdık tanyǧan. Jeŋımpazǧa 1 million teŋgenıŋ sertifikatyn qoǧam qairatkerı Orazkül Asanǧazy tapsyrdy.
Sondai-aq, merekelık keş aiasynda Mädeniet jäne sport ministrı tıl, mädeniet, sport jäne turizm salasyn BAQ-ta janjaqty nasihattap jürgen bır top jurnaliske alǧys hat tabys ettı.
Azamat ESENJOL
