Dinara SEISENHANQYZY, qala tūrǧyny:
– «Şapaǧat» kommunaldyq bazarynda järmeŋke bolǧan künderı bazar aldynda polisiia qyzmetkerlerı tūryp alady da, köşeden kölık toqtatuǧa mümkındık bermeidı. Eger azyq-tülıgımızdı maşinamyzǧa artyp kete almaityn bolsaq, jai künderı toqtaǧan maşina kerek kezınde toqtamaityn bolsa, järmeŋke ne üşın ūiymdastyrylady?
Osy mäselege bailanysty Astana qalasynyŋ IIB kezekşı bölımınen tömendegıdei jauap aldyq.
– Bögenbai daŋǧylynda joldyŋ oŋ jaǧyndaǧy şetkı jolaq qoǧamdyq kölıkterge arnalǧan. «Şapaǧattyŋ» däl janynda aialdama bar. Avtobustar sol jerge toqtaidy. Al järmeŋke künderı bazardyŋ aulasyna kölık kırgızılmeidı. Būl künı bazarda kısı köp bolatyndyqtan, «Şapaǧattyŋ» aldyndaǧy üilerdıŋ aulasyna kırıp ketetın kışkentai jol da keptelıs astynda qalady. Sondyqtan, negızgı joldar – Bögenbai daŋǧyly men Uälihanov köşesınde keptelıs tuyp, qosymşa jaisyzdyqtar bolmauy
üşın, jol polisiiasy qyzmetkerlerı būl künderı belsendı jūmys ısteidı. Eger järmeŋke kezınde barlyq azamattardyŋ bazardyŋ aldyna kölıkpen kelıp, kölıgın toqtatuyna erık beretın bolsaq, onda Bögenbai daŋǧylynda qozǧalys qiyndap, qalalyq avtobustar da jüre almai, olar ekınşı, üşınşı jolaqqa toqtauǧa mäjbür bolar edı. Sondyqtan, eŋ bastysy, polisiia qyzmetkerlerı järmeŋke saldarynan joldardyŋ keptelıske ūşyrap, qozǧalysqa kedergı keltırmeuın, äsırese, qoǧamdyq kölıkterdıŋ aldynda tosqauyl bolmaǧanyn qadaǧalaudy mındet sanaidy.
