Qylmyskerdı qūryqtaǧan qos sarbaz
Elordalyq jauyngerler damylsyz tırlıktıŋ köleŋkelı jaǧymen jiı ūşyrasady. Kez kelgen sätte, kez kelgen qiyndyqqa daiyn bolu – sol üşın de maŋyzdy.
Surette 5573 äskeri bölımınıŋ qos sarbazy – Qaiyrbolat pen Nikolai. Ekı dos keste boiynşa kezektı demalystaryn alǧan bolatyn. Olar Jeŋıs daŋǧyly men Ä.Moldaǧūlova köşesınıŋ qiylysyna jaqyn maŋdaǧy aulalardan ötıp bara jatyp, qūbyrdyŋ janynda bır azamattyŋ tūrǧanyn köredı. Panasyzdardyŋ bırı bolar dep oilaidy. Qasynan säl ūzai bergende, ekeuı yŋyrsyǧan dauysty estidı. Kenet qūbyrlardyŋ astynan eŋkeiıp qaraǧanda, terıs qarap jatqan bıreudı baiqaidy. Anyqtap qarasa, älgı adamnyŋ şalbary şeşılgen eken. «Ol körınıstı sözben aitu bızge qiyn. Şūǧyl äreket etpeu mümkın emes edı. Adam şydap tūra almaidy. Ony körgen boida ekı qolyn artyna qaiyryp tastadyq» deidı qatardaǧy Q.Zakariev. Söitse, eŋgezerdei ekeu ai-künnıŋ amanynda kıp-kışkentai ǧana büldırşındı zorlaǧan eken. Ūlandyqtar älgı er adamdy älsız balaqaiǧa zäbır körsetıp jatqan jerınen jūlyp alǧan. Osy ekı arada aram oiyn jüzege asyryp bolyp, qūbyr janynda tūrǧan ekınşısı qaşyp ülgerıptı. Qatardaǧy N.Şpadov dereu ūzaqtan ötıp bara jatqan jas jıgıttı toqtatyp, ūialy telefonynan 102 nömırın teredı. Işkı ıster organdaryna qaşqan adamdy surettep, bet alǧan baǧytyn, bolǧan oqiǧany habarlaidy. Nätijesınde, tärtıp saqşylarynan qūtylmaq bolǧan ol da köp ūzamai qolǧa tüsedı.
Tekseru barysynda aiuandyqqa jol bergen ekeudıŋ ışımdık ışkenı anyqtaldy. «Men būl bozbalalardy kerek uaqytynda qyzymnyŋ qasynan tabylǧan qos perıştesı dep esepteimın. Eger olar oqiǧanyŋ däl üstınen tüsıp, dereu tūtqyndamaǧanda, älgıler qylmystyŋ ızın joiu üşın qyzymdy öltırıp keter me edı?..» deidı zäbır körgen büldırşınnıŋ äkesı.
Qylmyskerlerdı qūryqtau kezınde körsetken qyraǧylyǧy üşın qos jauynger QR Ūlttyq ūlan Bas qolbasşysynyŋ būiryǧymen II därejelı «Ūlttyq ūlan qyzmetınıŋ üzdıgı» keude belgısımen nagradtaldy. Bar bolǧany jetı jasar qyz balanyŋ taǧdyryna balta şapqan, özderınen ekı ese ülken 38, 39 jastaǧy opasyz jandardy qūqyq qorǧauşylarǧa ūstap bergen qos jauynger qandai qūrmetke bolsa da laiyq.
Gülmira AIMAǦANBET