Beibıtşılık pen kelısım – eŋ qasterlı qazyna
Elbasy Qazaqstan halqy Assambleiasynyŋ respublikalyq festivalıne qatysty, dep habarlady Prezidenttıŋ baspasöz qyzmetı.
Nūrsūltan Nazarbaev ıs-şaraǧa qatysuşylarǧa arnaǧan sözınde memlekettıŋ damuy men ösıp-örkendeuı jolynda Qazaqstan halqy Assambleiasynyŋ airyqşa röl atqaryp otyrǧanyn atap öttı.
– Osy jyldary Assambleia ūlty men dını ärtürlı adamdardy özara jaqyndastyra tüstı, san aluan mädeniet pen salt-dästürdegı jaqsy närsenıŋ bärın körsetıp berdı. Beibıtşılık pen kelısım – Täuelsızdıktıŋ 25 jylynyŋ eŋ qasterlı qazynasy, – dedı Qazaqstan Prezidentı.
Memleket basşysy qazırgı älemde memlekettıŋ etnomädeni bırlestıkterge qoldau bıldıruı erekşe täjıribe bolyp otyrǧanyn aitty.
– Būl – Qazaqstandaǧy naqty şyndyq. Memleket barlyq etnomädeni bırlestıkterge tūraqty türde jäne keŋ auqymdy qoldau körsetıp, balalardy ana tılıne oqytatyn mektepterdı qarjylandyryp keledı. Gazetterımız ben jurnaldarymyz on bes tılde şyǧady, teatrlarymyz jetı tılde söileidı, – dedı Elbasy.
Festival barysynda Nūrsūltan Nazarbaev korei, nemıs jäne ūiǧyr ūlttyq teatrlaryna akademiialyq märtebe berdı.
Soŋynda Memleket basşysy ıs-şaraǧa qatysuşylardy Qazaqstan Täuelsızdıgınıŋ 25 jyldyǧymen qūttyqtap, barşaǧa igılık pen baq-bereke tıledı.