Ūlttyq muzeide Qazaqstannyŋ halyq suretşısı Sabyr Mämbeevtıŋ kartinalary qoiylǧan «Belgısız Mämbeev» atty körme aşyldy.
Sabyr Mämbeev – qazaq beineleu önerındegı erekşe qoltaŋbasy bar suretşılerdıŋ bırı. Ol Almatydaǧy Gogol atyndaǧy körkemsuret uchilişesın bıtırgennen keiın qazırgı Sankt-Peterburgtegı İ.Repin atyndaǧy keskındeme, müsın jäne säulet önerı institutyna oquǧa tüsıp, osy salanyŋ maiyn ışıp, jılıgın şaqqan mamandardan därıs alady. Onyŋ tuyndylary elımızge ǧana emes şet memleketterge de jaqsy tanymal. Qylqalam şeberınıŋ «Tauda» atty kartinasy Mäskeudegı Şyǧys halyqtarynyŋ öner mūrajaiynda jäne «Kiız üi» tuyndysy Tretiakov galereiasynyŋ jeke jinaǧyna engen. Onyŋ suretterı şynaiylyǧymen erekşelenedı. Sabyr Äbdıräsılūly 28 jasynda Qazaq SSR Suretşıler odaǧynyŋ töraǧasy bolyp sailanyp, osy qyzmettı taban audarmai 25 jyl atqardy. Mämbeevtıŋ basşylyǧymen oblys ortalyqtarynda suretşıler men müsınşılerge arnalǧan şeberhanalar, muzeiler men körme zaldar aşyldy. Qazaqstannyŋ alty qalasynda suretşıler üiı salyndy. Sonymen qatar Äbılhan Qasteev atyndaǧy memlekettık öner muzeiı men Temırbek Jürgenov atyndaǧy Öner akademiiasynyŋ aşyluyna da üles qosty.
Mädeni şaranyŋ aşyluynda Ūlttyq muzeiı direktorynyŋ orynbasary Abai Satubaldin körmege suretşınıŋ tanymal eŋbekterı qoiylǧanyn jetkızdı.
Sondai-aq körmege arnaiy qonaq bolyp kelgen qylqalam şeberınıŋ qyzy Janar Mämbeeva äkesı turaly jinalǧandarǧa jyp-jyly estelık aitty.
«Būl körmege äkem qaitys bolǧannan keiın ekı jyl ışınde qalpyna keltırıp, jinaqtalǧan şyǧarmalar ūsynyldy. Būdan da bölek jūmystary köp, solardyŋ ışınen taŋdap 77 şyǧarmany arnaiy alyp keldık» dedı ol.
