Elordada Täuelsızdık künıne orai «ASTANA-TEHNOPOLİS» arnaiy ekonomikalyq aimaǧynyŋ basşysy Baqytjan Dosqaziev №1 industriialyq parktıŋ öndırıstık käsıporyndaryn aralap, üzdık qyzmetkerlerdı alǧys hattarmen marapattady.
Bügınde «ASTANA-TEHNOPOLİS» arnaiy ekonomikalyq aimaǧynyŋ qūramynda 51 käsıporyn bar, 4300 maman qyzmet etedı. Aldaǧy uaqytta taǧy 30 zauyt aşylady.
«Bügın qala äkımdıgınıŋ atynan industriialyq aimaqtyŋ ırı mekemelerınıŋ mamandaryn arnaiy alǧys hattarmen marapattap jatyrmyz. Elımızdıŋ damuy üşın qarapaiym jūmysşylardyŋ eŋbegı orasan. Bügın №1 industriialyq parktıŋ 10 käsıpornyn qūttyqtadyq. Atap aitqanda, «Qazaqstan Paramaunt injiniring», «Lokomotiv qūrastyru zauyty», «Qazaqstan Aselsan injiniring, «Selena Insulations, «Avalon-K» jihaz jasau zauyty, «Astana Iýtariia LTD» kiım tıgetın käsıporyn, «STAHLBAU» metall qūrylym zauyty jäne basqalaryna bardyq. Jalpy, qalanyŋ 80 paiyz öndırısın arnaiy ekonomikalyq aimaq qūramyndaǧy käsıporyndar qamtyp otyr» deidı B.Dosqaziev.
«STAHLBAU» metall qūrylym zauytynyŋ direktory Almaz Myŋjasarovtyŋ aituynşa, jyl soŋyna deiın 50 auyr avtokölık şyǧarylady. Onyŋ 18-ı – Reseige, 12-sı Qyrǧyzstanǧa eksporttalady eken.
«Kommunaldyq kölık türlerın qūrastyru men bölşekterın jasap şyǧarumen ainalysamyz. Ötken jyldan berı bızdıŋ zauytta qūrastyrylǧan 10 auyr avtokölık qala igılıgıne qyzmet etude. Avtomobil bölşekterın qūrastyryp, satylymǧa şyǧarǧanşa 2 kün ketedı, ortaşa baǧasy – 45 million teŋge. Künıne käsıporynda 30-dan asa avtokölık jasalady. Qazırgı taŋda tauarǧa sūranys az bolǧandyqtan, aiyna 20-30 kölık qūrastyrumen şektelıp otyrmyz. Käsıporynda 37 maman bar. Qyzmetkerlerdıŋ eŋbegın eskerıp, aituly künmen qūttyqtauyn joldaǧan qala äkımdıgıne alǧys bıldıremız» dedı zauyt jetekşısı.
Naima NŪRALYQYZY
