Täuelsızdık künı qarsaŋynda bır top elordalyq därıgerler, mūǧalımder, äleumettık sala qyzmetkerlerı, eŋbek ardagerlerı memlekettık nagradalarǧa ie boldy. Marapat ielerın elorda äkımı Altai Kölgınov qūttyqtady.
«Bügın memlekettık nagradaǧa ie bolǧan azamattar elordanyŋ köşırıluınıŋ alǧaşqy jyldarynda halyq sanynyŋ jyldam ösuın eskere otyryp, qalany jylumen, jaryqpen jäne sumen qamtamasyz ettı. Medisinanyŋ damuyna zor üles qosqan, Ūlttyq neirohirurgiia ortalyǧynda ındettıŋ taraluyna jol bermeu jönındegı ştabtyŋ jūmysyn ūiymdastyrǧan M.Şaidarov «Parasat» ordenımen marapattaldy. Bılım beru, medisina, qūrylys salasyndaǧy ardagerler «Qūrmet» ordenımen, ondaǧan jyldar boiy JEO-da, «Astana-Energiia» jäne t. b. strategiialyq nysandarda eŋbek etken qyzmetkerler «III därejelı Eŋbek Daŋqy» ordenımen marapattaldy. Sondai-aq qala men eldıŋ qalyptasuy men damuyna üles qosqandar bırqatar azamattar «Eren eŋbegı üşın», «Şapaǧat» medaldarymen jäne Qūrmet gramotalarymen marapattaldy» dep jazdy qala basşysy äleumettık jelıdegı paraqşasynda.
Qala basşysy marapat ielerıne zor densaulyq, jemıstı eŋbek tılep, aldaǧy merekemız – Täuelsızdık künımen qūttyqtady.
