Keşe mektep tülekterı men ata-analar üşın asa maŋyzdy bılım bäigesı – Ūlttyq bıryŋǧai testıleu bastaldy. Elordalyq 1244 tülek test tapsyrdy. Soǧan orai, Astana qalasy Bılım basqarmasynyŋ basşysy Elmira Suhanberdieva baspasöz mäslihatyn ötkızdı.
Ūlttyq bıryŋǧai testıleu üş joǧarǧy oqu ornynyŋ ǧimaratynda ötedı. L.Gumilev atyndaǧy Euraziia ūlttyq universitetınde – 1750, Qazaq memlekettık zaŋ universitetınde – 781, al S.Seifullin atyndaǧy Qazaq agrotehnikalyq universitetınde – 1057 oquşy synaq tapsyrdy.
ŪBT kezınde tülekterge qara jäne kök tüstı qalam, qaryndaş jäne öşırgış qoldanuǧa rūqsat etılgen. Al qoiu geldı qalam paidalanuǧa, emtihan materialyn rūqsatsyz aşuǧa jäne aiyrbastauǧa, oqulyq, şpargalkany auditoriiaǧa alyp kıruge jäne elektrondy qūrylǧylardy paidalanuǧa tyiym salynǧan. Ereje būzylǧan jaǧdaida tülektı test tapsyrudan şekteidı.
SÜBELI SÖZ
Elmira Suhanberdieva, Astana qalasy Bılım basqarmasynyŋ basşysy:
– Astana boiynşa 4042 oquşy mektep bıtırdı. Onyŋ ışınde 3588-ı test tapsyrady. 358 oquşy – halyqaralyq olimpiadalar men ǧylymi jobalar baiqauyna qatysyp, öz bılımın däleldegender. Tiıstı meje 50 ball, al joǧary oqu oryndaryna tüsem deuşıler 70 ball jinauy kerek. Balalardyŋ köŋıl-küilerı jaqsy. Bırınşı künı eşqandai qūqyq būzuşylyqtar tırkelgen joq.
Elmira Suhanberdievanyŋ aituynşa, mektep bıtıruşılerdı ūlttyq bıryŋǧai testıleuge äzırleu barysyna psihologtar da atsalysqan. Psihologiialyq beiımdeu maqsatynda synaq türınde testıleu ötken. Oǧan qosa, osyǧan deiın test sūraqtaryna qatysty syn-eskertpeler biyl eskerılgen. Aituly bılım bäigesınıŋ ötkızılu barysyn ata-analary men ūstazdary ǧimarat syrtyna ornatylǧan teleekran arqyly qadaǧalai alady.
Erkejan SÄTIMBEK
