Memleket basşysy Nūrsūltan Nazarbaev Qazaqstan Respublikasynyŋ halyqaralyq arenada öz ornyn oiyp tūryp aluyna, örkeniettı damuyna serpın berdı.
Täuelsızdık alǧan jiyrma üş jyldyŋ ışınde ekonomikasy örkendegen, ruhani düniesı berık ornyqqan, saiasi baǧdary aiqyndalǧan, älemdık demokratiialyq jolmen damyp kele jatqan jasampaz memlekettıŋ ırgesın qaladyq.
Osymen toqtamai, Elbasymyz «Qazaqstan joly – 2050: bır maqsat, bır müdde, bır bolaşaq» atty Joldauy arqyly elımızdıŋ älemnıŋ damyǧan 30 elı qataryna enuınıŋ negızgı baǧyttary boiynşa naqty tapsyrmalar jüktedı. Damudyŋ daŋǧyl jolynda barşa qazaqstandyqtardy bırıktıretın, el bolaşaǧynyŋ ırgetasyn qalaǧan basty qūndylyqtar jüiesın aişyqtap berdı. Elımız örkendeuınıŋ alǧyşartyna ainalǧan baǧyttardyŋ barlyǧy da uaqyt talabymen ündesken, maŋyzy men mänı üilesken sara jol bolyp tabylady.
Damyǧan 30 eldıŋ qataryna kıru josparyn ūsyna otyryp, Ūlt Köşbasşysy osy Joldaudan tuyndaǧan tūjyrymdama köptegen boljamdar boiynşa, aldaǧy 15-17 jylda Qazaqstannyŋ auqymdy serpılısı üşın «mümkındıkter közı» bolatynyn atap öttı.
Memlekettık qyzmet salasynda memlekettık instituttar jūmysyn jetıldıru basym baǧyt retınde belgılendı. Älemnıŋ damyǧan 30 elınıŋ qataryna ūmtylys kezınde bızge adal bäsekelestık, ädılettılık, zaŋnyŋ üstemdıgı, memlekettık qyzmettı älemdık üzdık deŋgeige köteru kerek.
Būl oraida, Elbasy öz Joldauynda zor ökılettılık pen qūqyq ielengen şendıler mınsız mınez-qūlqymen jäne joǧary käsıbi deŋgeiımen erekşelenuge tiıs dep atap öttı.
Söz oraiynda, Prezidentımızdıŋ bastamasymen Astanada BŪŪ-nyŋ Damu baǧdarlamasymen bırlesıp, Ortalyq Aziia, Resei, Kavkaz elderındegı memlekettık qyzmet salasyndaǧy bılım men halyqaralyq üzdık täjıribelerdı memlekettık qyzmet salasyna engızu üşın 2013 jyly öŋırlık hab qūrylǧanyn atap ötuımız qajet. Hab älem elderınıŋ sarapşylary men ǧalymdary üşın memlekettık qyzmet salasyndaǧy jetıstıkter men tüitkıldı mäselelerdı talqylaityn sūhbat alaŋyna ainaldy. Şeteldık sarapşylar Qazaqstannyŋ memlekettık qyzmettı jetıldıru jolyndaǧy ūmtylysyna, memlekettık qyzmet modelıne joǧary baǧa beredı.
Elımızdegı memlekettık qyzmet salasyndaǧy basty ūstanymdardyŋ bıregeiı – sybailas jemqorlyq körınısterıne qarsy tūru, ony boldyrmau men aldyn alu bolyp tabylady. Kez kelgen örkeniettı qoǧam üşın sybailas jemqorlyqpen küres eŋ özektı mäselelerdıŋ bırı bolyp tabylady.
Elbasynyŋ keiıngı Joldauynda da sybailas jemqorlyqpen küres mäselesıne basymdyq berıldı. Jemqorlyq jai qūqyq būzuşylyq emes, ūlttyq qauıpsızdıkke tıkelei töngen qater retınde baǧalanyp, zaŋnamalardy jetıldıru arqyly oǧan soqqy beru mındetı qoiyldy. Būl şaralar sybailas jemqorlyqtyŋ deŋgeiın aitarlyqtai tömendetuge mümkındık beretını atap körsetıldı. Sybailas jemqorlyqqa qarsy jaŋa strategiiany qalyptastyru jäne ıske asyrudy jalǧastyru – asa maŋyzdy mındet retınde belgılendı.
Joldauda memlekettık qyzmet jüiesın jetıldıru mäselesı de nazardan tys qalǧan joq. Būl oraida, äkımşılık reforma qajetsız qaǧazbastylyq pen qūjat ainalymynyŋ qolaisyz üderısıne ainalmauy qajettıgıne jete män berıldı. Damyǧan elderdıŋ örkendeu jolyndaǧy täjıribesı negızınde Elbasy jergılıktı jerlerdegı basqaru organdarynyŋ halyq aldynda eseptılıgın arttyryp, nätijege degen jauapkerşılıgın küşeite otyryp, köbırek derbestık beru maqsatynda Ükımetke aitylǧan barlyq mäseleler jönınde keşendı ūsynystar engızudı tapsyrdy.
Būl da bolsa, jergılıktı atqaruşy organdardyŋ eseptılıkten – eselı eŋbekke baǧyt būruy, «Nūr Otan» partiiasynyŋ «Naqty ıske – nyq qadam» ūstanymynyŋ jüzege asa bastauynyŋ aiqyn aiǧaǧy.
Memlekettık bilık qūrylymynyŋ qasaŋ keŋestık piramidalyq basqarudy tarih qoinauyna berıp, örkendeu örıne qarymdy qadam basqan memleketımızdıŋ bilık etu auanyna jaŋa lep engızuı – jaŋaşyldyqqa baǧyt būru, älem elderınıŋ liderlerı moiyndaǧan Elbasymyzdyŋ kemel keleşektı oilaityn köregendıgınıŋ bır körınısı.
Memlekettık käsıporyndardyŋ, ūlttyq kompaniialar men biudjettık mekemelerdıŋ kadr saiasatyna meritokratiia qaǧidattaryn engızudı jalǧastyru – äkımşılık qyzmet reformasynan azamattyq qyzmet reformasyna da jaŋa dem berudıŋ alǧyşarttary bolyp tabylady. Memlekettık äkımşılık qyzmet salasyn jetıldırudıŋ nätijesınde azamattardyŋ memlekettık qyzmetke teŋ tūrǧyda qol jetkızuıne orasan mümkındıkter tuǧyzdy. Sol sekıldı, azamattyq qyzmettegı köne tündıktı türıp, serpın beru, qai salada bolmasyn naǧyz käsıbi mamandardyŋ qyzmet etuıne, memlekettık basqaru, atqaru tetıkterınıŋ üzdıksız jūmys jasauyna negız bolyp tabylady.
Elbasynyŋ osy Joldauynyŋ erekşe bır qyry – halyqty äleumettık qoldau jaǧyna jete män bergenınde. Onyŋ ışınde memlekettıŋ örkendeuı men damuyna özındık üles qosyp, biudjettık mekemeler qyzmetınıŋ körkın qyzdyruǧa sübelı eŋbek etıp kele jatqan azamattyq qyzmetşılerdıŋ eŋbekaqysyn köteru, qoǧamnyŋ osy bır bölşegındegı azamattardyŋ ünıne köŋıl bölu ekendıgı aiqyn.
Joldauda körsetılgendei, Ükımetke azamattyq qyzmetşıler eŋbekaqysynyŋ jaŋa ülgısın äzırleu jäne 2015 jylǧy 1 şıldeden bastap engızu tapsyryldy. Ol qyzmetkerlerdıŋ eŋbekaqylary densaulyq saqtau salasynda – 28, bılım beru salasynda – 29, äleumettık qorǧau salasynda – 40 paiyzǧa deiın arttyryluy tiıs.
Äleumettık qoldaudyŋ da özındık oŋ äserı baryn baǧamdaǧan Elbasy «B» korpusy memlekettık qyzmetşılerınıŋ eŋbekaqysyn 2015 jylǧy 1 şıldeden bastap – 15 paiyzǧa, al 2016 jylǧy 1 şıldeden bastap – taǧy 15 paiyzǧa arttyrudy qamtamasyz etudı tapsyrdy.
Būl Joldaudyŋ halqymyzdy äleumettık qoldauymen qatar, jaŋa eldık ideiamen de qūndylyǧy zor. Ūlt Köşbasşysy Joldauda: «Men qoǧamda «Qazaq elınıŋ ūlttyq ideiasy qandai boluy kerek?» degen saual jiı talqyǧa tüsetının körıp jürmın. Bız üşın bolaşaǧymyzǧa baǧdar etetın, ūltty ūiystyryp, ūly maqsattarǧa jeteleitın ideia bar. Ol – Mäŋgılık El ideiasy», dep jaŋa bastama ūsyndy. Būl qūndylyqty: «Mäŋgılık El – ata-babalarymyzdyŋ san myŋ jyldan bergı asyl armany. Ol arman – älem elderımen terezesı teŋ qatynas qūryp, älem kartasynan oiyp tūryp oryn alatyn Täuelsız Memleket atanu edı. Bız armandardy aqiqatqa ainaldyrdyq» degen sözderımen nyqtady.
Halqymyz «törteu tügel bolsa – töbedegı keledı» degende bırlıktıŋ, yntymaqtyŋ maŋyzy ölşeusız, mänı tereŋ ekenın aitqan. Bız de halyq bolyp Prezident saiasatyn qoldap, eldıŋ amandyǧy, kemel keleşek üşın küresuge niettı boluymyz kerek. Būl – ärbırımızdıŋ azamattyq paryzymyz. Jūmyla jük köterıp, bır tılek pen bır jürektıŋ aiasynan tabylsaq, elımızdıŋ odan ärı güldenuıne ülesımızdı qosamyz.
Marat MŪSTAN,
Qazaqstan Respublikasy Memlekettık qyzmet ısterı agenttıgınıŋ Astana qalasy boiynşa departamentınıŋ konsultanty