Bılımı kemel el mūratyna jetedı
Bügınde Astana qalasynda 263 bılım beru mekemesı, iaǧni, 84 mektep, 121 mektepke deiıngı mekeme, 35 käsıptık kolledj, 13 qosymşa oqytu oryndary bar. Oquşylardyŋ tälımı men tärbiesıne jauapty on myŋnan astam ūstaz tynymsyz ter tögıp keledı. Jyldaǧy dästür boiynşa ūstazdar qauymy bas qosqan alqaly jiynda ötken oqu jylyndaǧy jetıstıkter saralanyp, keleşekke aiqyn baǧdar jasaldy. Elımız oqu sapasyn jaqsartuǧa tübegeilı betbūrys jasap jatqanyn baiyptasaq, qalyptasqan tamyz keŋesı «Bılım beru jüiesın jaŋǧyrtu – adami kapitaldyŋ sapaly ösuınıŋ basty baǧyty» taqyrybyna arnaldy.
Elbasynyŋ jürgızıp otyrǧan syndarly saiasatynyŋ arqasynda bılım salasyna köptegen reformalar jürgızılıp, tyŋ ideialarǧa dem berıp, jaŋaşa betbūrys jolyna tüstı. Astana qalasy Bılım basqarmasynyŋ bastyǧy Äsima Bimendina būǧan elımızde Nazarbaev universitetınıŋ, oblys ortalyqtarynda Nazarbaev ziiatkerlık mektepterınıŋ aşyluy jäne mūǧalımderdıŋ bılıktılık deŋgeiın köterudıŋ mülde jaŋa sipatqa enuı dälel ekendıgın aitty.
– Ilım men bılımnıŋ damuy – adamzat örkenietınıŋ ölşemı. Bılımı küştı el ozady, bılımı älsız el – oǧan qyzmet etedı. Būl däleldı qajet etpeitın zaŋdylyq. Olai bolsa, bılım salasy ünemı jetıldırudı qajet etedı. Bız ömır sürıp otyrǧan bügıngı däuır jaŋaşa közqarasty, jaŋaşyldyqty talap etedı.
Elbasy Nūrsūltan Nazarbaev biylǧy Joldauynda jäne juyrda baspasözde jariialanǧan «Qazaqstannyŋ äleumettık jaŋǧyrtyluy: Jalpyǧa Ortaq Eŋbek Qoǧamyna qarai 20 qadam» atty baǧdarlamalyq maqalasynda adami kapitaldy jaŋa sapaǧa köterudıŋ basty tetıgı retınde bılım salasyn damytuǧa jaŋa serpın berdı. Bügınde ärbır balanyŋ jan-jaqty damuyna qolaily jaǧdai jasap, jeke qabıletın şyŋdauǧa mümkındık beru kerek. Astana qalasynyŋ äkımdıgı būl rette elordalyq şäkırtterdıŋ qajettılıgın qamtamasyz etumen qatar oqu sapasyn jaqsartuda nätijelı jūmys jasap keledı. Elımızde bılım salasynda jürgızılıp jatqan reformanyŋ basty maqsaty – dünietanymy joǧary, bılımdı, bäsekege qabılettı jeke tūlǧa tärbielep ösıru. Olai bolsa, astanalyq bılım beru mekemelerı būl üdeden şyǧu üşın talmai eŋbektenıp keledı,– dedı Ä.Bimendina öz baiandamasynda.
Aita ketken jön, 2011-2012 oqu jylynda elorda mektepterınde – 79268 oquşy, tehnikalyq jäne käsıptık bılım beru mekemelerınde – 31702, qosymşa bılım beru mekemelerınde 23658 bala bılım aldy. Qalada 121 mektepke deiıngı mekeme jūmys ısteidı. Onyŋ ışınde 69-y memlekettık balabaqşa, 51-ı memlekettık emes jäne 1-euı vedomstvolyq. Mektepke deiıngı bılım alatyn balalardyŋ jalpy qūramy – 2 jastan 6 jasqa deiın. Al, mındettı aqysyz mektepaldy daiarlyqtan 5-6 jas şamasyndaǧy balalardyŋ 86,2%-y ötedı eken. Sondai-aq, bılım beru salasyn qarjylandyru jyldan jylǧa ūlǧaiyp keledı.
– Qalanyŋ bılım beru jüiesın qarjylandyru 19 038 700 myŋ teŋgenı qūrap otyr. Būl osydan bes jyl būryn atalǧan salaǧa bölıngen qarjy kölemınen 10 milliardqa köp. Būl qala äkımdıgınıŋ bılım jüiesıne, bolaşaq ūrpaqtyŋ sanaly azamat bop ösuıne qamqorlyq tanytyp, ülken qoldau bıldıruınıŋ arqasy. Sondyqtan oqu tärbie jūmysyndaǧy belsendı jūmys jaŋǧyryp, materialdyq-tehnikalyq baza jetıldırılıp keledı,- dedı qalalyq bılım basqarmasynyŋ bastyǧy Äsima Temkeqyzy.
Bärı balabaqşadan bastalady
Astana kün saiyn qarqyndy ösudı bastan keşırıp otyr. Tūrǧyn-üi qūrylysy jandanyp, jaŋadan jūmys oryndary köptep aşyluda. Būl öz kezegınde elordamyzǧa jas otbasylardyŋ köptep qonys audaruyna jol aşatyny sözsız. Sondyqtan bas qalada mektepke deiınge mekemege baratyn bala sany köbeidı. Bılım basqarmasynyŋ basşysy būl rette olardyŋ tärbiesıne erekşe toqtaldy.
Balalarǧa mektepke deiıngı tärbie men bılım berudıŋ negızgı nysany – balabaqşa. Üzdıksız bılım berudıŋ alǧaşqy baspaldaǧy osy jerden bastalady.
Bügınde 12 jyldyq jalpy orta bılım beru jüiesıne köşu tūjyrymdamasy mektepke deiıngı tärbie standartyn qaita qarastyrudy qajet etedı. Sebebı, būl jüie – mektepke deiıngı bılım jäne tärbie beru öte maŋyzdy saty. Bes jastaǧy balalardyŋ mektepaldy daiarlyǧyn ūiymdastyru – bastauyş mektepte oqu sapasynyŋ negızgı şarty bolmaq. XXI ǧasyrda aqparattanǧan qoǧam qajettılıgın qanaǧattandyru üşın oqytu ısınde kompiuterlık tehnikany, internet, elektrondyq oqulyqtardy, oiyndardy tiımdı paidalanu arqyly bılım sapasyn köteru közdelgen. Äsima Bimendinanyŋ aituynşa, Astana qalasynyŋ mektepke deiıngı bes mekemesınde ıs täjıribe alaŋy ūiymdastyrylǧan. Biyldan bastap, būl balabaqşalardy memleket ǧylymi zertteuler granty boiynşa qarjylandyrady. «Multimediialyq interaktivtı oqytu baǧdarlamalarynyŋ ädısnamasy men tehnologiiasyn qūrastyru» atty ǧylymi-zertteu jūmystary jürgızılude. Jobanyŋ negızgı maqsaty – mektepke deiıngı bılım beru standarty negızınde «Tanym» jäne «Äleumettık orta» sabaqtaryna arnalǧan taŋdauly kompiuterlık oiyndardyŋ qūrylymy men negızın anyqtau, olardy qūrastyryp, bılım beru ürdısıne engızu. Atalǧan jobanyŋ taǧy bır ūtymdylyǧy – üş tıldı bılım beru saiasatyn eskeruı. Eŋ bastysy, būl oiyndardyŋ mazmūnyn, barysyn balabaqşanyŋ tärbieşılerı qūrastyrǧany quantady. Keler künnıŋ azamatyn zaman talabyna sai tärbieleude mektepke deiıngı bılım beru mekemelerınıŋ rölı zor. Tamyz keŋesınde osy salanyŋ basym baǧyttary keŋınen atap ötıldı.
Bolaşaqtyŋ bılım qandai bolmaq?
Memlekettık deŋgeide sapaly bılım beru – astanalyq mektepterdıŋ bärıne qoiylǧan ortaq mındet. Bılım basqaramasy oqytudyŋ jaŋa tehnologiialaryn engızu jäne tiımdı paidalanu, bıryŋǧai bılım beru aqparattyq ortasyn qalyptastyrudy myqtap qolǧa alǧan. Äsima Temkeqyzynyŋ aituynşa, būl salada nätijelı tabysqa qol jetkızu üşın eŋ üzdık mektepterde innovasiialyq täjıribe alaŋdary ūiymdastyryluda. Maqsat – oqu baǧdarlamasy men ädısın jetıldıru,oquşylardyŋ oi-örısın damytu. Būǧan deiın ötkızılgen halyqaralyq deŋgeidegı täjıribe alaŋdary elımızdegı oqytuşylardyŋ qoldauyna ie bolǧan. Bılım beru jüiesın tiımdı damytu strategiiasyn jüzege asyruda özge de jūmystar jüielı jürgızılıp keledı.
– Däl qazırgı qoǧamda ekonomikalyq bılım alu asa maŋyzdy bolyp otyr. Būl degenımız – ǧylymdar yqpaldastyǧy. Däl osy salanyŋ erekşelıgı bılımnıŋ barlyq salasyn qamtidy. Sondyqtan ekonomikanyŋ negızderın mektep qabyrǧasynan oqytu tiımdılıgı baiqalady. Bızge oqu baǧdarlamasyna jaŋaşa serpın kerek. Äsırese, būǧan jetekşı ǧalymdardyŋ qatysqany jön. Bügınde elordadaǧy bılım beru ısın damytuǧa bırneşe mındetter qoiyldy. Eŋ maŋyzdy mındetterdıŋ bırı – innovasiialyq standartty jetıldıru, daryndy balalarmen jūmys jürgızudı qolǧa alu. Būl üşın bılım berudıŋ ozyq ülgısın qalyptastyryp qana qoimai, talantty balalardyŋ qarym-qabıletterın aşuǧa tübegeilı jaǧdai jasau kerek. Mümkın, qalanyŋ ırı joǧary oqu oryndary janynan daryndy balalarǧa arnalǧan mektep aşu mäselesın oilastyrǧan jön şyǧar, – degen basqarma basşysy būdan özge de bılım salasyna qatysty tüitkılderdı atap öttı.
Jalpy, bas qaladaǧy bılım beru mekemelerınıŋ oqu ülgerımderı men şyǧarmaşylyq jetıstıkterı köŋıl quantady. Künı keşe ötken ŪBT qorytyndysy boiynşa elorda mektepterınıŋ ortaşa baly bırneşe paiyzǧa köterılgen.
Astanalyq bılım beru mekemelerı tügel internet jelısımen qamtylǧan. Jetkınşekterdıŋ bılım deŋgeilerın nyǧaitumen qatar, olardyŋ şyǧarmaşylyq beiımderı men ızdenısterın eseleu üşın köptegen qosymşa üiırmeler aşyluda. Būl oquşylardyŋ şyǧarmaşylyq äleuetterın arttyruǧa eleulı yqpal etetını aitpasa da tüsınıktı. Qazaqstandyq bılım beru jüiesınde negızgı pän retınde aptasyna bır saǧat kölemınde “Özın-özı tanu” sabaǧynyŋ engızıluı biylǧy jaŋa oqu mausymynyŋ eŋ basty jaŋalyǧy. Sol sebeptı de oqu jyly bastalmai tūryp-aq elımızdegı barlyq bılım beru mekemelerı atalǧan pän boiynşa qajettı oqu-ädıstemelık qūraldarmen jabdyqtalyp ülgergen. Eŋ basty jaŋalyqtyŋ bırı – alǧaşqy qoŋyrau künı tört jaŋa bılım oşaǧy – İlinka eldı mekenınde jäne Manas köşesınde oryn tepken 1200 oryndy ekı mektep, Küigenjar tūrǧyn alabyndaǧy 400 balaǧa arnalǧan mektep pen №6 mektep-gimnaziia saltanatty türde esıgın aiqara aşpaq. Būlardyŋ üşeuı taza qazaq tılınde oqytatyn bolady.
Ras, elordada köptegen bılım oşaqtary boi köterıp jatyr. Mektep, balabaqşa tapşylyǧy bolaşaqta tübegeilı şeşıledı. 1600 mūǧalım bas qosqan būl jiynda sol mektepterde bolaşaqta qandai bılım berıledı, kımder jūmys ısteidı degen mäseleler de tys qalmady.
Käsıptık bılımnıŋ kökjiegı
Bügınde mamandar, äsırese, käsıptık mamandyq ielerın daiarlau ısı köp ızdenıstı qajet etedı. Aldaǧy on-jiyrma jyl ışınde bızge qandai mamandar qajet? Tamyz keŋesınde erekşe köterılgen mäselenıŋ bırı – osy boldy.
Jyl saiyn astanalyq mektep bıtıruşılerdıŋ 85 paiyzy elımızdıŋ ırgelı joǧary oqu oryndary men şeteldık bılım ordalaryna tüsedı. Bıraq, olardyŋ 15 paiyzy ǧana elımızge qajettı degen mamandyqtardy taŋdaidy. Sebebı, oquşylarǧa mamandyq taŋdauda käsıbi baǧdar beru jaǧy kemşın. Astana qalasyndaǧy 35 tehnikalyq jäne käsıptık bılım beru mekemelerınde elımızdıŋ tüpkır-tüpkırınen kelgen 31702 jas bılım aluda. Äitse de, arnauly bılım beru jüiesınıŋ deŋgeiı barşamyzdy tolǧandyrady. Biylǧy oqu jylynan bastap käsıptık jäne tehnikalyq bılım beru mekemelerı kolledjdı jüiege auystyrylǧany belgılı. Būrynǧy liseilerdıŋ aty özgergenmen, zatyn özgertu oŋaiǧa tüspeitın siiaqty. Jiynda onyŋ bırneşe sebepterı aityldy. Bırınşıden, oqu oryndarynyŋ materialdyq-tehnikalyq bazasy bügıngı kün talabyna sai kelmeidı. Ekınşıden, mamandyqtar boiynşa tehnikalyq oqulyqtar jetıspeidı, onyŋ üstıne, memlekettık tıldegı oqulyqtar sapasyz jazylǧandyǧy taǧy bar. Käsıporyndar men oqu oryndary arasyndaǧy äleumettık serıktestık tetıkterı tolyqqandy jūmys ıstemeuıne bailanysty oquşylardyŋ öndırıs oryndarynda täjıribelerın ötuıne kedergıler köp. Memlekettık bılım standarttary men oqu baǧdarlamalaryn äzırleu jūmystarynyŋ oralymsyzdyǧy da siiaqty aiaqqa tūsau bolarlyqtai.
Elımızdıŋ ırgelı käsıporyndaryna jaŋa tehnologiia men qūrylǧylardyŋ qarqyndy engızıluıne bailanysty oqytu üderısı men öndırıstık täjıribe arasy alşaqtai tüskenı baiqalady. Sebebı, eskı jabdyqtar boiynşa oqyp-üirengen jas mamannyŋ öndırıs ornyna barǧanda qaita mamandanuyna tura keledı. Osy aiyrmaşylyqty azaitu maqsatynda politehnikalyq kolledj ben № 6 käsıptık lisei bazasynda qūrylystyŋ qūrǧaq ädıs tehnologiialary boiynşa mamandar daiarlaityn resurstyq ortalyqtary aşyldy. «QR industrialdy-innovasiialyq damuyn jedeldetu» baǧdarlamasynyŋ aiasynda politehnikalyq kolledjde «Avtomobilderdı kompiuterlık diagnostikalau» zerthanasy jūmys ısteidı.
– Men «Qazaqmys» korporasiiasynyŋ qarjysyna salynǧan jetım jäne ata-ana qamqorlyǧynan airylǧan balalar oqityn № 6 käsıptık liseide aşylǧan künnen bastap öndırıstık oqytu şeberı bolyp qyzmet jasaimyn. Käsıptık lisei ötken oqu jylynyŋ qorytyndysy boiynşa Astana qalasy äkımınıŋ Tehnikalyq jäne käsıptık bılım beru mekemelerı üşın taǧaiyndalǧan grantyna ie boldy.
Käsıptık liseide elımızdıŋ eŋbek naryǧyna qajettı segız mamandyq boiynşa kadr daiarlau ısı jolǧa qoiylǧan.
Ötken säuır aiynda astanalyq ärıptesterımmen bırge Türkiia elınıŋ Stambūl qalasynda täjıribe almasu kursynan ötıp keldık. Olardyŋ elde käsıptık bılım beru jüiesınde qoldanatyn ädıs-täsılderı men jüielerı bızdıŋ elımızde de bar. Tek qana olardaǧy oqu oryndarynyŋ öndırıs oryndarymen tyǧyz bailanysta jūmys ısteitındıgı sapaly maman daiarlauda ülken röl atqaratyndyǧyna köz jetkızdım. Äsırese, Türkiiada memleket barlyq käsıporyndardy kadr daiarlau ısıne qatysuǧa mındettep oquşylardyŋ mamandyqqa qyzyǧuşylyǧyn arttyruǧa män beredı, sol üşın olardyŋ eŋbegıne belgılı bır mölşerde aqy tölenedı. Osy täjıribenı bız de qoldanuymyz kerek, –deidı, D. Qūsaiynov.
Baǧdar aiqyndauymyz beker emes
Būl basqosuda qala äkımı İmanǧali Tasmaǧambetov balalardyŋ şyǧarmaşylyq tūrǧyda, öz betınşe oilau qabıletın damytuǧa baǧyttalǧan bılım beru jüiesın jetıldıru mäselelerıne airyqşa nazar audardy.
– Aldyŋǧy jiynda bız qyruar mäselelerdı qauzadyq. Jas ūrpaqqa jaŋaşa bılım beru üşın qalai oqytu, qandai ädıstemenı, nendei täsılderdı taŋdau kerek? Bılımdı qalai qorlandyryp, qalai oqytu ärı olardy qalai jalǧastyru jön? Taqyryp aiasy şeksız. Būl aitylǧandar ärdaiym nazarda ūstalatyn närseler, – dep bastaǧan äkım qalyptasqan keŋestık nūsqadaǧy bılım berudıŋ jüiesı äbden eskırgenın aitty.
Qazırgı damyǧan ekonomika, bärınen būryn, intellektualdyq resurstardyŋ äleuetıne arqa süieidı. Bäsekege qabılettılıkte tehnikalyq qūraldarǧa ǧana emes, osynau tehnologiiany jasap şyǧaratyn adamǧa bailanysty bolady. Sondyqtan zamanaui oqytu negızınde, özındık oilau jüiesıne örıs aşatyn balanyŋ aqyl-oi qabıletın damytu ūstanymyn zerdeleu qajettıgın alǧa tartty. Jiynda baiandama oqyǧan qala basşysy oqu baǧdarlamasyna qatysty bırqatar kemşılıkterdı ortaǧa saldy. Qazırgı kezde elımızde oqytylyp jatqan dästürlı ädısterdı batystyq mektepterdıŋ ädısnamalyq qūraldarymen salystyra baiandady.
Būl ǧasyr aqparattyq tehnologiianyŋ damyǧan zamany desek, äkım tapsyrmasymen qolǧa alynǧan mektep saittarynyŋ sätsızdıkke ūşyraǧanyn jäne ne sebeptı mūndai küige jetkenı belgılı boldy. Mektep mūǧalımderın synǧa alyp, aldaǧy uaqytta sait jūmysyn jandandyru joldaryn osy keŋeste qala äkımı keŋınen qarastyrdy.
– Mekteppen ömır tügesılmeidı, tek bastalady. Onyŋ keşegı tülekterı ärtürlı käsıporyndarǧa, ūiymdar men mekemelerge barady. Sondyqtan, bız üşın eldıŋ bılımdı ärı öz betınşe oilai alatyn azamatynyŋ tūlǧasyn somdau asa maŋyzdy mäsele. Būl mäsele jalpy ūlttyq mänge ie. Tek biyldyŋ özınde Memleket basşysy ony bırneşe ret qozǧady. Äsırese, Eŋbek qoǧamy turaly özınıŋ soŋǧy maqalasynda balalardyŋ, jasöspırımder men jastardyŋ baiypty eseiuı men tabysty äleumettenuınıŋ dara mındetterın şeşuge baǧyttaityn ruhani-parasattylyq tärbiesınıŋ täsılderı jetkılıksızdıgın synǧa aldy. El Prezidentı bılım degenımız – küştı de bäsekege qabılettı qoǧam qalyptastyruǧa auadai qajet ömırşeŋ talaptardyŋ negızgısı ekenın bırneşe märte atap körsettı. Sondyqtan da bügın onyŋ özektı mäselelerın tiianaqty taldap, bolaşaqqa baǧdardy aiqyndauymyz beker emes, – dedı İ.Tasmaǧambetov.
Ūsynys sūranysqa sai kelse igı
Moiyndau kerek, būl künde «zapastaǧy» zaŋgerler men ekonomister qaptap kettı. Eŋbek naryǧyndaǧy jalpy ahual birqalypty bolǧanymen, industriialandyru sektoryna, mūnai-himiia, barlau-öndiru salalaryna äli de mamandar jetıspeidı ekenı. Sonymen qatar, ötken jyldyŋ dinamikasyn bastaǧan IT jäne telekommunikasiia salasy biyl da sūranysqa ie. Zertteuler nätijesı sondai-aq, işki jäne syrtqy sauda salasyna qatysty satu böliminiŋ jetekşisi, tūlǧalarǧa qyzmet körsetu menedjeri, injener, tehnolog, IT-programmaşy, veb-äzirleuşi, aimaqtyq üilestiruşiler de tapşy ekenın körsettı. Al Astana mektepterın tämamdaǧan tülekterdıŋ keiın ekı qolǧa bır kürek tappai qaluy qaladaǧy jūmys säikessızdıgımen bailanysty. Aita ketu kerek, bas qalada «Biznestiŋ jol kartasy-2020» baǧdarlamasy aiasynda önerkäsip salasy örken jaiyp keledi. Osyǧan bailanysty köptegen kompaniialar elordada öz ökildigin aşty. Resmi derekterge süiensek, elordaǧa büginde täjiribeli tehnologtar auadai qajet. Mıne, Astanadaǧy sūranys pen ūsynys arasyndaǧy osyndai alşaqtyqty joiu üşın jastarǧa käsıbi baǧdar berudı mektep qabyrǧasynda qalyptastyrǧan abzal. Iаǧni, käsıbi baǧdarlau – bügıngı künnıŋ basty talaby ekenı tamyz mäslihatyndaǧy basty taqyryptardyŋ bırı boldy.
Maqtaulylar marapattalǧan kün
Ūstazdar qauymy bas qosqan tamyz mäslihatyna QR bılım jäne ǧylym vise-ministrı Mūrat Orynhanov qatysty. Bügıngı pedagogikalyq konferensiianyŋ negızgı özegı adam kapitalynyŋ qozǧauşy küşı bolyp tabylatyn äleumettık jaŋǧyrtu ekendıgıne nazar audartqan ol elımızdegı orta bılım beru jüiesınıŋ aldynda tūrǧan bırneşe maŋyzdy mındetterdı atady. Onyŋ ışınde on ekı jyldyq oqytu jüiesıne erekşe toqtaldy. Jiynda belgılı bolǧandai, jaŋa oqu jylynda atalǧan jüiege köşu synaǧy respublikanyŋ 104 mektebınde jalǧasatyn körınedı.
Orta bılım berudegı kelesı baǧdar – köp tıldılıkke oqytu. Memleket basşysynyŋ tapsyrmasymen 2020 jylǧa qarai mektep bıtıruşıler jüz paiyz memlekettık tıldı meŋgerulerı qajet.
2013-2014 oqu jylynda bırınşı synyptarda aǧylşyn tılın, sondai-aq jaratylystanu pänderın aǧylşyn tılınde kezeŋ-kezeŋımen oqytu engızılmek. Būl oquşylarǧa halyqaralyq deŋgeide bäsekege qabılettı boluǧa mümkındık beredı. Vise-ministrdıŋ pıkırınşe, oqytudyŋ qazırgı zamanǧy ädıstemelerın jäne bılım berudıŋ zamanaui innovasiialyq modelın qūruǧa qajettı praktikalyq daǧdylardy oqyp-üirenudı qarastyratyn mezgıl äldeqaşan jettı.
Mūǧalımderdıŋ dästürlı tamyz keŋesı ketken kemşılıkterdı saralap, bolaşaqqa degen baǧdardy aiqyndap qana qoimai, ūstazdardyŋ abyroiyn asqaqtatty. Elordamyzda ǧūmyryn ūrpaq tärbiesıne arnap kele jatqan on ūstazǧa qala äkımı päter kıltın tabystasa, eren eŋbegımen közge tüskender arnaiy tös belgılermen marapattaldy.
Jolyŋ bolsyn, jas maman!
Alda jaŋa oqu jyly. Elordalyq ūstazdar qauymy jas mamandarmen tolyǧuda. Bılım bäigesınde baqytyn aialaityn, uaqytyn aiamaityn mamandarǧa sättılık tılegen Äsima Bimendina «Halqymyz üşın bılım men tärbienıŋ orny qaşanda bölek. Bılımdı bolu üşın –oqu kerek, bai bolu üşın – eŋbek kerek, küştı bolu üşın – bırlık kerek» dep, biylǧy tamyz mäslihatyn qorytyndylady. Öskeleŋ ūrpaqqa sanaly tärbie men sapaly bılım berude aianbai eŋbek etıp kele jatqan barşa astanalyq ūstazdar qauymyna bız de jaŋa oqu jyly qarsaŋynda tek qana tolaiym tabystar tılegımız keledı.
Gülmira AIMAǦANBET