Astanada osy jyldyŋ 1 jeltoqsanynan bastap «Seedstars» halyqaralyq tehnologiialyq startap-inkubatory aşylady. Onyŋ ortalyǧy «Hilton Astana» qonaqüiınde ornalasqan.
Memleket basşysynyŋ «Ruhani jaŋǧyru» baǧdarlamalyq maqalasy men «Astana – innovasiialar qalasy» strategiiasy qaǧidalaryn jüzege asyru maqsatynda qalalyq İnvestisiialar jäne käsıpkerlıktı damytu basqarmasy men halyqaralyq biznes inkubatorlary «Seedstars» jäne «BI Property» JŞS arasynda ärıptestık turaly memorandumǧa qol qoiyldy.
Kelısım boiynşa kompaniialar salǧan investisiianyŋ arqasynda elordada adam kapitalyn damytu üşın bıregei alaŋ qūrylmaq. Onda qalanyŋ ärbır tūrǧyny jaŋa tehnologiia salasynda täjıribe alyp, jeke jobasyn ıske asyruyna jaǧdai jasalady, būǧan qosa jastardyŋ äleuetın damytuǧa basymdyq berılmek.
– Ülken megapolisterdıŋ täjıribesıne qarap-aq jahandyq qalalardyŋ tepe-teŋ damuy kreativı joq industriiasyz mümkın emestıgın baiqauǧa bolady. Sol sebeptı bız kreativtı klasterdıŋ negızın qalyptastyratyn qalalyq innovasiialyq alaŋ qūrmaqpyz. Mūnda elordanyŋ innovasiialyq ekojüiesı qalyptasady, – dedı Astana qalasynyŋ äkımı Äset İsekeşev.
Joba serıktesterınıŋ bırı Devid Dekombes ortalyqta älem boiynşa 70 myŋnan astam startaper, käsıpker men investorlar baryn mälım ettı. Joba ıske asqannan keiın Astana bıryŋǧai jelıge qosylyp, tūrǧyndardyŋ täjıribe almasuyna jaǧdai jasalady, sondai-aq tehnologiianyŋ damuyna mümkındıkter aşylady.
Al qatysuşylarǧa qoiylatyn basty talap – innovasiialyq ärı tehnologiialyq önım jasau. Joba aldymen Astanada, ärı qarai elımızdıŋ özge jerlerınde ıske asyrylady.
