BŪQARALYQ SPORT – BARŞAǦA
Memleket basşysy N.Nazarbaevtyŋ «Qazaqstan – 2050» Strategiiasy: qalyptasqan memlekettıŋ jaŋa saiasi baǧyty» atty halyqqa arnaǧan Joldauynda «Dene şynyqtyru men sport memlekettıŋ airyqşa nazarynda boluy tiıs. Naq sol salamatty ömır salty ūlt densaulyǧynyŋ kıltı bolyp sanalady. Alaida, elde barlyǧy üşın qoljetımdı sport nysandary, sport qūral-jabdyqtary jetıspeidı. Osyǧan bailanysty Ükımet jäne jergılıktı organdar dene şynyqtyru, būqaralyq sportty damytu jäne tiptık jobadaǧy deneşynyqtyru-sauyqtyru nysandary, sonyŋ ışınde, aula nysandary qūrylysy boiynşa şaralar qabyldau qajet. Būl jūmysty kelesı jyly-aq bastau kerek» dep naqty mındetter men tapsyrmalardy aiqyndap körsetken bolatyn.
Osy oraida Astana qalasynyŋ Turizm, dene tärbiesı jäne sport basqarmasy qala tūrǧyndaryn dene şynyqtyrumen jäne būqaralyq sportpen ainalysuǧa tartu, sport rezervın jäne halyqaralyq därejedegı sportşylardy daiyndau ısınde josparly ärı jüielı jūmystardy atqaryp keledı. Bügıngı taŋda qalada türlı densaulyq toptary, aqyly seksiialar, sport federasiialary men klubtardy bırıktıretın jeke jäne kommersiialyq emes 383 sport ūiymy jūmys ısteidı. Onda 159 318 astanalyq jüielı türde dene şynyqtyrumen ainalysady. Būl qala halqynyŋ 20,6 paiyzyn qūraidy.
Jyl ışınde sport ǧimarattarynyŋ sany 508-den 525-ke deiın östı. Qala tūrǧyndarynyŋ jyl saiyn arta tüsuıne bailanysty älı de sport nysandarynyŋ tapşylyǧy bar.
Sport keşenderınıŋ būqaraǧa qoljetımdıgın qamtamasyz etu maqsatynda mektep oquşylary men student jastarǧa 35-50 paiyz aralyǧynda jeŋıldıkterge qol jetkızıldı. Onyŋ bır mysaly, fitnes ortalyqtarynyŋ keibır baǧdarlamalarynyŋ qūny 30 myŋnan 15 myŋǧa deiın tömendetıldı.
Sport nysandarynyŋ sanyn ūlǧaitu maqsatynda, onyŋ ışınde dene şynyqtyru jäne sauyqtyru keşenderın salu üşın Astana qalasynyŋ Bas jospary ǧylymi zertteu-jobalau institutynan on jer telımı belgılendı.
Bügıngı taŋda ekı ırı sport nysandaryn salu josparlanuda. Bırı – olimpiada rezervterın daiyndau ortalyǧy jäne mümkındıgı şekteulı adamdarǧa arnalǧan «Qaisar» sport keşenı. Sonymen qatar jaŋa eskek esu kanalyn, atu keşenın salu da josparǧa engızıldı.
Būqaralyq-sport şaralaryn ūiymdastyru, salauatty ömır saltyn nasihattau maqsatynda köptegen sporttyq şaralar ötkızılude. Jyl basynda Almaty, Esıl jäne Saryarqa audandarynyŋ ardagerler ūiymdary arasynda «Şaŋǧy joly – 2013» qalalyq chempionaty jäne turistık köpsaiys boiynşa (şaŋǧy turizmı) Astana qalasy kubogynyŋ kezeŋdık jarystary öttı.
Toǧyzqūmalaqtan Astana qalasynyŋ 10, 12 jäne 14 jas aralyǧyndaǧy jasöspırımder chempionaty, velosporttan barlyq jas erekşelıkterı boiynşa Astana qalasynyŋ chempionaty, elordanyŋ 15 jyldyq mereitoiyna orai ötken qazaq küresınen «Qazaqstan barysy» respublikalyq turnirı elorda sportynyŋ jaŋalyǧy retınde qabyldandy. Tūraqty türde ötkızılıp tūratyn «Ömır närınen läzzat al!» aksiiasy būqara arasynda keŋ tarap, dene şynyqtyru mädenietın qalyptastyruda. Funksionaldy gimnastika retınde jyl basynan berı 41 537 adam tartylǧan 369 sporttyq şarany 87 583 adam tamaşalap, sport dumanynyŋ ortasynda bolypty. Aita ketsek, byltyr 495 sport şarasy ötkızılgen bolatyn. Sport merekelerın jas şamalaryna qarai, mektep, kolledj oquşylary, student jastar men memlekettık qyzmetkerler arasynda äleumettık toptarǧa bırıktırıp ötkızu qalyptasyp keledı.
Salauatty ömır saltyn nasihattau maqsatynda öskeleŋ ūrpaq arasynda türlı sport türlerınen chempionattar ūiymdastyryldy. Jeŋımpazdar ūiymdastyruşylardyŋ baǧaly syilyqtarymen marapattaldy.
Astanalyqtar arasynda sport äuesqoilary qozǧalysy keŋ etek jaidy. Ondaǧan komandalar arasynda su doby, futbol, basketbol, şaibaly hokkei boiynşa dästürlı jarystar ötkızu qalyptasyp keledı.
Aigül UAISOVA