Moŋǧoliianyŋ Baian-Ölgei aimaǧynda tūratyn, esımı älemge tanylǧan qazaqtyŋ örımdei bürkıtşı qyzy Aişolpan Nūrǧaiypqyzy anasymen bırge tarihi atamekenıne, el ordasy – Astanaǧa kelıp, on şaqty künnen berı tuǧan halqynyŋ ystyq yqylasyna bölenude.
Aişolpan jasynan äkesınen üirengen bürkıtşılık önerdı käsıp etken qyz bala. Ol turaly alǧaş 2014 jyly aǧylşynnyŋ Daily Mail basylymynda «Qazaqtyŋ asyl qūndylyqtardyŋ bırı – qūsbegılık önerdı igergen on üş jasar jalǧyz qyz» atty maqala jariialandy. Osy dünie ony äp-sätte jahanǧa tanytty. 2016 jyly ataqty amerikalyq rejisser Otto Bell Aişolpan turaly «Bürkıtşı qyz» (The Eagle Huntress) dep atalǧan derektı film tüsırdı. Būl tuyndy da qazaqtyŋ qarşadai qaisar qyzynyŋ daŋqyn jer jüzıne jaidy. Film jaryqqa şyqqannan keiın ony ataǧynan at ürketın Garvard jäne Oksford universitetterı özderınde bılım aluǧa şaqyrdy.
Byltyr «Qazaqstan» ūlttyq arnasynyŋ tılşısı Ǧabit Bökenbai Baian-Ölgeige baryp Aişolpan turaly tamaşa siujet jasap, jūrtşylyqqa körsettı. Sonda bürkıtşı qaryndasymyzdyŋ «Google»-dıŋ mälımetı boiynşa, XXI ǧasyrda qazaqty älemge äigılegen 5 adam bolsa, sonyŋ bıreuı ekendıgın, odan qaldy, Aişolpandy köremız dep Baian-Ölgeige 31 memleketten turister kelgendıgın estıp, taŋdai qaqqanbyz. Sol kezde qaryndasymyzdyŋ atamekendı bır körsem degen armany da bar ekendıgın bıldık.
Mıne, Aişolpannyŋ sol armany tolyqtai oryndaldy. Aitpaqşy, bürkıtşı qyz bala ūlttyq arna qolǧa alǧan «Köşpendıler» derektı filmıne de tüsken. Būl filmder toptamasy 12 bölımnen tūrady. Onda şet elde tūratyn qandastardyŋ ömırı, taǧdyry baiandalǧan. Tuyndy ūlttyq arnadan 14 qazannan bastap körsetıle bastaidy.
Sondai-aq elımızge alǧaş tabany tigen Aişolpanǧa «Bılım – innovasiia» qoǧamdyq qory da tamaşa syi jasady. Qor basşysy Darhan Öte oǧan tarihi otanynda qalyp, elordadaǧy «Spectrum» halyqaralyq mektebınde oquyn jalǧastyratyn, qūny 20 myŋ dollar tūratyn bılım grantyn saltanatty türde tapsyrdy. Qazır ol Baian-Ölgeidegı jergılıktı mektepte 12-şı synypta oqidy eken. Darhan Öte öz sözınde Aişolpanǧa älemdık üzdık joǧary oqu oryndarynda bılım aluǧa bar mümkındıktı jasau üşın osy grantty ūsynyp otyrǧanyn aitty. Al «Spectrum» halyqaralyq mektebınıŋ basşysy Artur Tölepbekov Aişolpanǧa barlyq jaǧdai jasalatynyn jetkızdı. Almatydaǧy Süleimen Demirel atyndaǧy universitetı de özderınıŋ kez kelgen mamandyqqa oquǧa tüsetın bılım grantyn syilady. Osyndai köl-kösır quanyş üstınde halqymyzdy jer jüzıne tanytqan jetkınşektı ömırge äkelgen anasy Almagül közıne jas alyp, qyzynyŋ jaqsy bılım aluyna mümkındık tuǧyzǧan azamattarǧa alǧysyn aitsa, Aişolpan da qoldau körsetken aǧalaryna rizaşylyǧyn bıldırdı.
