Densaulyq saqtau salasy äleumetpen tıkelei bailanysty bolǧandyqtan aryz-şaǧym bolmai tūrmaidy. Osyny eskergen qala äkımdıgı elordadaǧy №10 qalalyq emhana bazasynda bıryŋǧai aqparattyq medisinalyq Call-ortalyqty ıske qosudy josparlap otyr.
«Smart-Astana» jobasy şeŋberınde jüzege asyrylatyn qyzmettıŋ elordalyqtarǧa kömegı köp bolmaq. Kez kelgen tūrǧyn osy ortalyqqa habarlasyp, kökeiındegı saualyn qoia alady nemese qandai da bır ūsynys-tılegı bolsa, jetkıze alady. Call-ortalyqqa kelıp tüsken aryz-şaǧymdardyŋ eşqaisysy eskerusız qalmaidy. Arnaiy komissiia qūrylyp, mäsele der kezınde şeşıletın bolady.
Densaulyq saqtau basqarmasynyŋ mälımetı boiynşa, eger kompiuterlık jäne innovasiialyq baǧdarlamalar der kezınde jasalyp bıtse, onda aqparattyq medisinalyq ortalyq biylǧy jarty jyldyŋ ışınde ıske qosylmaq.
