Elordada «30 Leaders Meetup – täuelsız ūrpaq» kezdesuı barysynda qazırgı Qazaqstandaǧy innovasiianyŋ damu perspektivasy talqylandy.
Nūr-Sūltan qalasy äkımdıgınıŋ qoldauymen ötken şaraǧa 30 jas qatysty. Olardyŋ biznes pen käsıpkerlık, qarjy men investisiia, äleumettık qyzmet, ǧylym men tehnologiia, saiasat pen memlekettık qyzmet, şou-biznes pen sport, mass-media, PR men jarnama, bılım beru men densaulyq saqtau, öner men mädeniet, özın-özı damytudy nasihattauǧa baǧyttalǧan tyŋ ideialary men jobalary köpşılık talqysyna tüstı.
Onkologiiany erte diagnostikalau salasyndaǧy patent avtory, IMMS Journal bas redaktory Baqtiiar Äjken, Ninetyone tobynyŋ reperı Dulat Mūhametqaliev, Du Soleil sirk ärtısı Rafael Fathelianov, Qmobot negızın qalauşylardyŋ bırı Bauyrjan Ospan, beinograf, rejisser Qyran Talapbek, Nasa Johnson Space Center jobasynyŋ qatysuşysy, Aller Scan negızın qalauşylardyŋ bırı Jalyn Qabyken, FAO BŪŪ gender mäselelerı boiynşa aimaqtyq sarapşy Aqmaral Sman, Warwick Hyperloop Team negızın qalauşy Sanjar Taijan jetıstıkke qalai jetkenı turaly oqiǧalarymen bölıstı.
«Bız myŋdaǧan keremet ideiasy bar, bıraq olardy qalai jüzege asyrudy bılmeitın jastarǧa saualnama jürgızdık. Aldaǧy uaqytta olar jetıstıkke jetken jastarmen aqyldasatyn bolady. Olar öz täjıribelerımen, bılımderımen osy alaŋda bölıse alady» dedı ūiymdastyruşy jäne käsıpker Azat Äbıken.
