Keşe Nūr-Sūltan qalasy mäslihaty VI şaqyrylymynyŋ kezekten tys sessiiasy öttı. Kün tärtıbınde üş mäsele qaraldy.
Bırınşı mäsele – «2016-2020 jyldarǧa arnalǧan Astana qalasyn damytu baǧdarlamasy turaly» qalalyq mäslihattyŋ 2015 jylǧy 11 jeltoqsandaǧy №427/61-V şeşımıne özgerıs engızu boiynşa Ekonomika jäne biudjettık josparlau basqarmasynyŋ basşysy Qaisar Maŋqaraev baiandama jasady. Onyŋ aituynşa, älemdı dendegen koronavirus ındetı men ekonomikalyq jaǧdaidyŋ tūraqsyzdyǧy atalǧan baǧdarlamany qaita qarap, özgertu engızuge mäjbür etken.
25 İNDİKATORǦA TÜZETILDI
Qazırgı künı elordany damytudyŋ 55 indikatory belgılengen. Sonymen qatar oǧan QR İndustriia jäne infraqūrylymdyq damu ministrlıgınıŋ ūsynysymen öndırıstık tauarlardyŋ qūramyndaǧy jergılıktı mazmūnnyŋ ülesı indikatory qosyldy. Atalǧan indikator aǧymdaǧy jyly qosyldy jäne onyŋ tūtynatyn önımderdegı ülesı 17,1 paiyzdan kem bolmauy tiıs dep bekıtıldı. Astanany damytu boiynşa «Jol kartasy» baǧdarlamasyn jüzege asyru kezınde jergılıktı üleske barynşa nazar audaru mındetteldı. Sonymen qatar QR Eŋbek jäne halyqty äleumettık qorǧau ministrlıgınıŋ 2020-2024 jyldarǧa arnalǧan strategiialyq josparyna säikes, eŋbekke qabılettı jandardyŋ ışınde atauly kömektı aluşylardyŋ sybaǧaly ülesı boiynşa tüzetu jasaldy.
Älemde jäne bızdıŋ elımızde ındettıŋ beleŋ aluy men qalyptasyp otyrǧan ekonomikalyq jaǧdaiǧa bailanysty jalpy 25 indikatorǧa özgertuler men tüzetuler engızılgen. Būl özgertuler tūraqty komissiialardyŋ otyrystarynda qaralyp, mäslihat deputattary tarapynan bekıtıldı. Qaisar Maŋqaraev sol sebepten deputattardy astanany damytu baǧdarlamasyna engızılgen ūsynystardy qoldauǧa şaqyrdy.
Zaldan deputattardyŋ bırı tıptı ındet kezınde de adamdar sportpen şūǧyldanudy toqtatqan joq, sondyqtan basqasy basqa, bıraq būqaranyŋ sportpen qamtylu indikatorynyŋ tömendetılgenı dūrys emestıgın aityp, narazylyq bıldırdı.
– Jeke adamdardyŋ sportpen ainalysqany, ärine qūptarlyq ıs. Bıraq ındetke bailanysty elımızde, onyŋ ışınde astanada da sporttyŋ barlyq türlerı boiynşa ırı jarystardy, soǧan bailanysty şaralardy ötkızuge Ükımet tyiym saldy. Sondyqtan sporttyq damu indikatoryn 0,5 paiyzǧa tömendettık, – dedı baiandamaşy.
OTANDYQ ÖNIMGE MÄN BERILMEIDI
17 sailau okrugınıŋ deputaty Aman Aiupov tūtynatyn önımnıŋ qūramynda qazaqstandyq mazmūnnyŋ saqtaluy, otandyq tauar öndıruşılerge qoldau körsetu jaŋadan jūmys oryndaryn aşuǧa, jergılıktı öndırıstıŋ damuyna tıkelei äser etetını sözsız dei kele, osy baǧytta kei kezderı aitylǧan sözben jasalyp jatqan ısterdıŋ qabyspai jatqanyn synǧa aldy.
– Būl mäselenı men talai ret köterıp jürmın. Mäselen, qazır eŋbekpen qamtudyŋ «Jūmyspen qamtudyŋ jol kartasy» boiynşa «Jastar» saraiyna kürdelı jöndeu jürgızılıp jatyr, otandyq käsıporyndarǧa qoldau körsetu üşın oǧan jergılıktı materialdaryn paidalanu kerek edı, bıraq merdıger kompaniia qūrylysqa qajettı şyny paketterdı Reseiden tasymaldaidy. Al Qazaqstanda şyny paketterın şyǧaratyn zauyttar az emes. Keibırınıŋ önımderı tıptı reseilık önımnen anaǧūrylym sapaly da. Söite tūra merdıger kompaniianyŋ reseilık şyny paketterdı taŋdauy tüsınıksız, – dep deputat memleket qarjysynyŋ esepsız ketıp jatqanyna qarsylyǧyn bıldırdı.
Qaisar Maŋqaraev jergılıktı mazmūn indikatory elımızde tötenşe jaǧdailar jariialanǧannan keiın engızılgenın, al merdıger men reseilık jabdyqtauşy kompaniialar arasyndaǧy şart oǧan deiın jasalyp qoiuy mümkın ekenındıgın bıldırdı. Degenmen naq «Jastar» saraiynyŋ jöndeu jūmystaryna reseilık önımderdı qoldanuǧa qatysty tehnikalyq qadaǧalau, avtorlyq qadaǧalau organdary baqylau jürgızuı kerektıgın jetkızdı. Sonymen qatar qazırgı künı satyp alular barysynda jabdyqtauşy käsıporyndardan mındettı türde industrialdyq sertifikat talap etıletının, ol tauardyŋ naqty Qazaqstanda jasalǧandyǧyn rastaityn kuälık bolatynyn aitty.
– Qazır zaŋ otandyq öndırısşılerdı qoldaidy. Bügınde «Jūmyspen qamtudyŋ jol kartasy» baǧdarlamasy boiynşa memlekettık satyp alularda jergılıktı mazmūn ülesı 2,5 esege artty, – dep sendırdı ol.
Deputattardyŋ bırauyq pıkırtalastarynan keiın Ekonomika jäne biudjettık josparlau basqarmasynyŋ ūsynysy köpşılık dauyspen maqūldandy.
JER TELIMIN ALU TURALY
Jer uchaskelerın memlekettık mūqtajdyq üşın alu nemese jyljymaityn mülıktı ielıkten şyǧaru turaly şarttardyŋ jobalaryn kelısu jönındegı ekınşı mäsele boiynşa Tūrǧyn üi jäne tūrǧyn üi inspeksiiasy basqarmasynyŋ basşysy Asylbek Esenbaev baiandama jasady. Basqarma 12 nysan boiynşa jalpy aumaǧy 2 myŋ gektardan asatyn 68 jer telımın 700 mln teŋgege satyp alu turaly şarttardy deputattar nazaryna ūsyndy. Baiandamaşy satyp alynatyn uchaskelerdıŋ naqty qai jerlerde ornalasqandyqtaryn jeke-jeke atap körsettı. Deputattar tarapynan ol boiynşa eşqandai kelıspeuşılık bolmady, baiandamaşyǧa bır auyz sūraq qoimastan ūsynys bırden qabyldandy.
Asylbek Esenbaev odan keiın «Tūrǧyn üi ǧimarattary men qūrylystaryn apattyq dep tanu mäselelerı jönındegı vedomstvolyq komissiianyŋ qūramy turaly» üşınşı mäsele boiynşa da baiandama jasady. Onyŋ qūramy qala äkımdıgınde oryn alǧan bırqatar kadrlyq auys-tüiısterge bailanysty özgerıske ūşyrady. Deputattar qauymy vedomstvolyq komissiianyŋ qūramyna engen jaŋa müşelerdıŋ kanidaturalaryn bırauyzdan maqūldady.
Sondai-aq būl künı qalalyq mäslihattyŋ zaŋdylyq, qūqyq tärtıbı jäne qoǧammen jūmys jasau mäselelerı jönındegı tūraqty komissiiasynyŋ otyrysy bolyp öttı.
Kün tärtıbınde Nūr-Sūltan qalasynyŋ 2021-2023 jyldarǧa arnalǧan biudjet jobasy qaraldy. Ol boiynşa Ekonomika jäne biudjettık josparlau basqarmasynyŋ basşysy Qaisar Maŋqaraev baiandama jasady. Odan bölek jergılıktı atqaruşy organdardyŋ bırqatar basşylary öz salalary boiynşa esep berıp, qazırgı ındet kezınde qalyptasyp otyrǧan jaǧdaimen bölıstı.
