Elordalyq Ūlbolsyn Suntaeva 10 jyldan asa uaqyt medisina salasynda käsıbın döŋgeletıp keledı.
Käsıpkerlıkke deiın ol elordadaǧy klinikada därıger-fizioterapevt bolyp jūmys ıstegen. Jinaǧan täjıribesıne sai pasientterdı emdeu taktikasyn sauatty qūrudy jaqsy bıletın. Halyqaralyq äielder künı qarsaŋynda käsıpker özınıŋ bizneske qalai kelgenı, onyŋ bastaluy jäne qazır qandai jetıstıkterge jetkenı jaily aityp berdı.
Ūlbolsyn Suntaeva ūlttyq ǧylymi-medisinalyq ortalyqta fizioterapevt bolyp jūmys ıstedı, lazerlık terapiia men oŋaltu salasynda jinaǧan täjıribesı mol.
«Men käsıpkermın, medisinalyq qyzmetpen ainalysamyn. Medisina – būl menıŋ ömırım. Bala künımnen därıger bolyp, nauqastardy emdeudı armandaitynmyn. Ūzaq uaqyt boiy ūlttyq ǧylymi-medisinalyq ortalyqta fizioterapevt bolyp qyzmet ettım. Osy klinikada jinaǧan täjıribemnıŋ jäne onyŋ keremet basşysy Abai Baigenjinnıŋ qoldauymen lazerlık terapiia men oŋaltudyŋ qyr-syryn meŋgerdım. 2018 jyly lazerlık terapiiamen ainalysyp jürıp, oŋaltu ortalyǧyn aşu turaly şeşımge keldım. Sebebı joǧarǧy tynys joldarynyŋ aurulary bar nauqastarǧa lor kabinetı qajet degen ideiam bolatyn. Däl osy uaqytta koronavirustyq infeksiia örşıp kettı» dep öz äŋgımesın Ūlbolsyn Seiıtqyzy bastady.
Lor-jabdyqty satyp alu üşın ol «Biznestıŋ jol kartasy» memlekettık baǧdarlamasyna qatysu jönınde toqtamǧa keledı. Sebebı baǧdarlama barysynda şaǧyn käsıpkerlık subektılerın qoldau üşın öteusız granttar bölınedı.
«Biznes-ideiamnyŋ maqsaty medisinalyq ortalyqty, körsetıletın medisinalyq qyzmetter aiasyn keŋeitu jäne tiısınşe jūmys oryndarynyŋ sanyn arttyru boldy. «Biznestıŋ jol kartasy» baǧdarlamasy boiynşa 5 mln teŋge kölemınde öteusız grant jeŋıp aldym. Būl qarajatqa Oŋtüstık Koreiadan şyǧatyn lor-kombain satyp aldym. Qazırgı jetıstıkterımnıŋ nätijesı: medisinalyq ortalyq aiasy keŋeidı, jaŋa medisinalyq densaulyq klinikasyn aştym. Tiısınşe, körsetıletın medisinalyq qyzmetterdıŋ tızbesı köbeidı, būl tızımge lor-räsımder, oŋaltu qosyldy. Qosymşa jūmys oryndary aşyldy» dedı käsıpker.
Onyŋ aituynşa, memlekettık baǧdarlama aiasynda qaitarymsyz granttar men käsıpkerlıktı qoldaudyŋ basqa da qūraldary käsıpkerlerge öz ısın damytuǧa, qoǧamǧa ärqaşan talap etıletın jäne maqsattary men armandaryn ıske asyruǧa ülken kömek pen yntalandyru.
