DÄRIGERLER DÄREGEII
Astanada «EKSPO-2017» mamandandyrylǧan halyqaralyq körmesı qarsaŋynda jedel järdem medisinalyq qyzmetı brigadalarynyŋ ekınşı respublikalyq jarysy öttı. Atalǧan jarys «Astana» oqu-klinikalyq ortalyǧynyŋ 10 jyldyǧyna orai ūiymdastyrylyp otyr.
Auqymdy ıs-şara Astana qalasynyŋ äkımdıgı men QR Densaulyq saqtau ministrlıgı, simuliasiialyq bılım beru jäne medisinadaǧy täuelsız sarapşylar Qazaqstan Odaǧy, Astana qalasynyŋ jedel järdem stansasynyŋ qoldauymen ötıp otyr. Astana qalasy äkımınıŋ orynbasary Ermek Amanşaevtyŋ aituynşa, aq jeleŋdı abzal jandardyŋ qoǧamda alar orny erekşe. Öitkenı halyqtyŋ densaulyǧynyŋ myqty boluy däl osy därıgerlerdıŋ bılıktılıgıne bailanysty.
– Ekınşı ret ötkızılıp otyrǧan jarys EKPO-2017 körmesınıŋ aşyluyna orai ūiymdastyrylyp otyr. Astana qalasy äkımdıgınıŋ atynan barlyq qatysuşylarǧa alǧys bıldıremın. Medisinalyq jedel-järdem qyzmetın jetıldıru maqsatynda elordada ekınşı jyl qatarynan keşendı jospar jürgızılude. Memleket basşysynyŋ erekşe qamqorlyǧynyŋ arqasynda Astanadaǧy medisinalyq mekemeler soŋǧy zamanaui medisinalyq qūrylǧylarmen tolyq jabdyqtalǧan. Densaulyq saqtau salasyn damytuǧa arnalǧan ırı memlekettık salalyq baǧdarlamalar jüzege asyrylyp jatyr. Sol sebepten bügıngı şaranyŋ maŋyzdylyǧy zor dep esepteimın, – dedı ol.
Osymen ekınşı jyl qatarynan ūiymdastyrylyp otyrǧan jarysqa Astana, Şymkent, Almaty, Semei, Qyzylorda, Öskemen, Oral, Kökşetaudan kelgen 10 komanda qatysty. Olar şūǧyl kömekke mūqtaj jandarǧa jedel ärı sapaly äreket etu arqyly kömek körsetu boiynşa klinikalyq beketterden ötulerı kerek. Jarystyŋ qorytyndysy boiynşa bırınşı oryndy Almaty qalasynyŋ jedel järdem brigadasy aldy. Sondai-aq ekınşı oryn Astana, al üşınşı oryn Semei qalasynyŋ därıgerlerıne būiyrdy.
Serık Joldasbai