Qala äkımı Baqyt Sūltanovtyŋ töraǧalyǧymen qoǧamdyq densaulyq saqtau basqarmasynyŋ alqa otyrysy öttı.
Ötken jylmen «Densaulyq» memlekettık baǧdarlamasyn jüzege asyrudyŋ üşınşı jyly qorytyndylanyp otyr. «Bız astanalyqtardyŋ ömır süru ūzaqtyǧyn 76,2 jasqa deiın arttyrdyq. Būl el boiynşa ortaşa körsetkışten 3,2 jylǧa joǧary. Būl körsetkışke bız bala tuu körsetkışınıŋ artuy men jalpy ölım-jıtımnıŋ tömendeuı arqasynda qol jetkızdık» dedı jiyndy aşqan B.Sūltanov. Äkım öz sözınde elordanyŋ densaulyq saqtau qyzmetınıŋ Memleket basşysy qoiǧan mındetterge säikes, ölım men mügedektıktıŋ, sondai-aq ana men bala ölımınıŋ, qan ainalymy jüiesı aurularynyŋ, onkologiialyq aurulardyŋ, tuberkulez men jaraqattanudyŋ negızgı sebepterınıŋ aldyn aluǧa baǧyttalǧandyǧyn aitty.
Eseptı jylǧa baiandama jasaǧan Qalalyq qoǧamdyq densaulyq saqtau basqarmasynyŋ basşysy Qamaljan Nadyrov myna däiekterge toqtalyp öttı. Iаǧni, ötken jyly qalalyq auruhanalarda 200 myŋnan asa adam emdelgen, 57 myŋǧa juyq ota jasalyp, 28 myŋnan astam bala dünie esıgın aşqan. Qala emhanalaryna tūrǧyndar 4,5 mln ret qaralǧan. Jüz myŋnan astam nauqas tegın därı-därmekpen qamtamasyz etılgen.
Üstımızdegı jyly jaŋadan 4 diagnostika ortalyǧy, 11 därıgerlık ambulatoriiasy aşylady. Sonymen bırge «Astanalyq därıger» jobasy ıske qosylatyn bolady. Būl elorda medisina qyzmetkerlerınıŋ märtebesın köterıp, qyzmetın yntalandyruǧa äserın tigızbek. Medisinalyq mekemelerdıŋ materialdyq-tehnikalyq bazasy jaŋǧyrtylady. Jedel järdem qyzmetın jetıldıru üşın 85 jedel järdem kölıgı satyp alynady, onyŋ 25-ı – reanimobilder. Qamaljan Nadyrov sondai-aq basqarmanyŋ aǧymdaǧy jylǧa arnalǧan josparlaryna toqtalyp, körsetıletın medisinalyq qyzmetterdıŋ sapasy men qoljetımdılıgın arttyruǧa basa nazar audara otyryp, halyqtyŋ densaulyǧyn odan ärı jaqsartu boiynşa jūmystar jalǧastyrylatynyn aitty.
