Būl audanda 6 myŋnan asa köpbalaly otbasy tūrady. Ärine, tūrmysy tömen, äleumettık qorǧaluy naşar otbasylarǧa kömek körsetu – äkımşılıktıŋ kün tärtıbınen tüspeitın, kündelıktı atqarylyp kele jatqan şarualardyŋ bırı. Alaida myna qabyldaudyŋ jönı mülde bölek boldy. Tūrǧyndar mamandarmen, äkımdık basşylarymen jüzbe-jüz kezdesıp, aşyq dialog alaŋyn qūrdy. San-salaly sūraqtaryn qoiyp, keibırınıŋ köpten şeşımın taba almai jürgen mäselelerı taban astynda oryndalǧanyna riza peiılmen attanyp jatty.
Nūr-Sūltan qalasynyŋ tūrǧyny, köpbalaly ana Gülzat Äliakparova bızben äŋgımesınde: «Aşyq 
äkımdık» oraiy kelgen ıs-şara boldy dep oilaimyn. Talap qoiyp, köşege ulap-şulap şyqqannan görı myna qadam dūrys qoi. Ötkendegı ereuılde äbden jüikemız tozyp, berekemız ketıp qaldy ǧoi. Mıne, endı aşyq pıkırlesıp jatqanymyz qandai ǧanibet! Men «Baqytty otbasy» baǧdarlamasy turaly aqparat aluǧa kelıp edım. Tabysyŋ belgılı mölşerden tört jüz teŋge asyp ketse, ılıkpei qalady ekensıŋ. Sol saualyma jauap alsam deimın» dep aǧynan jaryldy. Taǧy bır köpbalaly ana Nūrzina Tūmaqova da ırkılmesten oiyn ortaǧa salyp: «Men de baspana mäselesımen kelgen edım. Tört balam bar. Besınşı balaǧa aiaǧym auyr. «Nūrly Ertıs» baǧdarlamasy boiynşa otbasymyzben Ekıbastūz qalasyna köşsek pe dep edım. Köşıp-qonudan äbden qaljyrap kettık. Qalada päter jaldau öte qymbat, äbden tityqtatyp jıberdı. Osy baǧdarlamanyŋ aşylǧany jaqsy bastama bolǧan eken. Üi-jai, jūmys, balabaqşadan oryn berse, odan artyq ne kerek?! «Aşyq äkımdık» – jaqsy bastama. Tabaldyryq tozdyryp jürmeisıŋ. Mamandardyŋ barlyǧy bır jerde şoǧyrlanǧan» dep şynaiy köŋılın bıldırdı.
İä, «Jaqsyny körmek bar» deidı dana halqymyz. Endıgı tılek jaqsy bastalǧan ıs orta jolda qalyp qoimasa eken. Köp tılegı – osy. Aitpaqşy, bıluımızşe, «Aşyq äkımdık» şarasy är jūma saiyn
ūiymdastyrylmaq.
Ūqsas jaŋalyqtar
Leave a Reply