Konstitusiia memlekettık bilıktıŋ qainar közı halyqtyŋ özı ekendıgın aiqyndady. Jaŋa Konstitusiia qabyldau arqyly Qazaqstan jaŋa däuırge qadam basty. Mıne, osy mereilı mejege biyl 19 jyl tolyp otyr. Jyl saiyn būl memlekettık merekenı atap ötu – Negızgı zaŋǧa degen qūrmetımızben qatar, özımızdıŋ taŋdauymyzǧa, özımızge degen qūrmet.
Qoǧamdyq tatulyq pen saiasi tūraqtylyqty saqtap, elımızdıŋ ärbır azamatynyŋ baqytty ömır süruın qamtamasyz etetın Ata zaŋ – eldıŋ qorǧany. Negızgı zaŋda barşa qazaqstandyqtarǧa tüsınıktı de etene ortaq qūndylyqtar naqty zaŋ tılımen baiandalǧan. Halyqtyŋ bırlıgı – būl eŋ aldymen memlekettık instituttardyŋ bırlıgı. Altyn zaŋymyzdyŋ 34-babynda: «Ärkım Qazaqstan Respublikasynyŋ Konstitusiiasyn jäne zaŋdaryn saqtaudy, basqa adamdardyŋ qūqyqtaryn, bostandyqtaryn, abyroi men ar-namysyn qūrmetteuge mındettı» dep körsetılgen. Özınıŋ qūqyqtary men bostandyqtary Ata zaŋmen qorǧalatyndyǧyn jäne ol memlekettıŋ müddesınen şyǧyp otyrǧan dünie ekendıgın ärbır el azamaty bes sausaqtai bıluı tiıs. Öitkenı, adamnyŋ öz qūqylaryn bıluı jäne ony qajettı jerde qorǧai aluy, iaǧni, qūqyqtyq sauattylyqtyŋ boluy – zaiyrly qoǧamnyŋ basty talaptarynyŋ bırı.
Memleketımızdıŋ Konstitusiiasy qoǧamnyŋ damuy üşın jaǧdailar jasap qana qoimai, elımızde tatu-tättı ömır sürıp jatqan barlyq etnos ökılderı üşın teŋ qūqyq berdı. Osy oraida, Ūlt köşbasşysy N.Nazarbaevtyŋ qūqyqtyq memleket qūrudaǧy eren eŋbegın atap aitu kerek. Ata zaŋymyzdyŋ ärbır baby köz qaraşyǧyndai saqtalyp, mültıksız oryndaluyna el Prezidentı kepıl bolyp keledı. «Konstitusiiany qataŋ ūstanu – būl memlekettılıktıŋ tabysty damuynyŋ jäne qoǧamdaǧy azamattyq kelısımnıŋ negızı. Ol boiynşa ömır süru – būl demokratiianyŋ eŋ joǧarǧy mektebı. Būl mektepten barlyǧymyz ötuge tiıspız. Bızdıŋ mındet – Konstitusiiaǧa asa ūqyptylyqpen qarau. Özımızdıŋ elımızdı, özımızdıŋ tarihymyzdy, özımızdıŋ jetıstıkterımızdı qalai qūrmettesek, ony da solai aialauymyz kerek. Konstitusiiany syilai bılmesek, onyŋ talaptaryn mültıksız oryndai almasaq, onda qoǧamdyq kelısımge, tärtıpke, beibıtşılıkke jäne tynyştyqqa jetu mümkın bolmaidy, iaǧni mūndai jaǧdaida Otannyŋ yrys-berekelı bolaşaǧy turaly aitudyŋ da qajetı joq» degen tūŋǧyş Prezidentımız.
Ǧasyrlar boiy qalyptasqan adamzat balasynyŋ jalpy qūndylyqtaryn öz boiyna sıŋırgen Konstitusiiamyzda adamdardyŋ tabiǧi qūqylary men bostandyqtary, bilık instituttaryn demokratiialyq jolmen qalyptastyru jäne damytu, Qazaqstan aumaǧynda azamattyq qoǧam qūru turaly düniejüzı tanyǧan progressivtı ideialar bekıtıldı. Sol arqyly elımızdıŋ barlyq azamattarynyŋ bırlesıp, bır jeŋnen qol, bır jaǧadan bas şyǧaryp qyzmet etulerı üşın jaǧdailar jasaldy.
Bügıngı taŋda bız äleumettık-ekonomikalyq, qūqyqtyq jäne saiasi ömırdegı reformalardy jürgızude Konstitusiia normalary men prinsipterınıŋ dūrystyǧyna köz jetkızıp otyrmyz. Būlai deitınım, älgınde atap ötkenımdei, nebır almaǧaiyp zamandy bastan keşırgen babalarymyz ūrpaǧynyŋ täuelsızdıgı jolynda qasyqtai qanyn tögıp, şybyndai janyn berıp, eş aianǧan joq. Olar elı azat, jerı tūtas quatty memleket qūrudy, Jerūiyqta ǧūmyr keşudı aŋsady.
Aumaǧy ūşqan qūstyŋ qanatymen, jer apşysy quyrǧan tūlpar tūiaǧynyŋ dübırımen ölşengen keŋ de kelıstı ölkenı mekendegen qazaq halqynyŋ egemendıgınıŋ kepıldıgı ıspettes Konstitusiiamyz ömırşeŋ bolyp, Kök tuymyz kökte jelbırei bersın!
Qanat MUSİN,
Astana qalasy Ädılet departamentınıŋ basşysy
