Denis Ten jäne onyŋ dostary 1000-ǧa juyq janküierın quantty. Şara Astananyŋ 20 jyldyǧyna orai QR Mädeniet jäne sport ministrlıgı men Astana qalasy äkımdıgınıŋ qoldauymen öttı. Typyrşyp otyryp, Denis mūzǧa şyqqanda şattanyp kettık. Özı qalaqtai ǧana. Söite tura, muzyka äuenımen barynşa sozylady. Mūzda emes, kılemde jürgendei qūddy.
Mūz şouy mänerlep syrǧanauşy, Sochi Olimpiadasynyŋ qola jüldegerınıŋ «Denis Ten jäne onyŋ dostary» atty baǧdarlamasy aiasynda öttı. Mūz maitalmandary, jandy muzyka, teatrlandyrylǧan qoiylym, innovasiialyq tehnikalyq elementter – osynyŋ barlyǧy taŋdandyrdy. Akrobattyq öner, Olimpiadalyq bi türlerı dünienıŋ dübırlı düldülderın bırıktırdı.
Erekşe şouda Karolina Kostner, Elena Radionova, Alena Savchenko, Bruno Masso, Iаn Han jäne taǧy basqa mänerlep syrǧanauşy älemdık deŋgeidegı sportşylar öner körsettı. Olar syrǧanap qana qoimai, Qazaqstan turaly ystyq yqylastarymen bölısıp, elorda toiymen qūttyqtady. Astananyŋ älemde eşqandai qalaǧa ūqsamaityn, özındık erekşelıgı bar ekenın bırınen soŋ bırı aitty.
Denis Ten körsetken tamaşa qoiylymdardyŋ bırı – Dimaş Qūdaibergennıŋ änıne daiyndalǧan arnaiy baǧdarlama. «Būl qoiylymdy Phenchhan qysqy Olimpiadasynyŋ finalynda körsetuım kerek edı, ökınışke qarai, ol kezde retı bolmady. Sondyqtan daiyndyqqa köp uaqytym ketken baǧdarlamamdy bügın körsetudıŋ sätı tuǧan syndy» dedı ol. Şaranyŋ basty tosynsyiy
– osy. Sondai-aq, şou soŋynda Denis pen dostary qazaqtyŋ ūlttyq kiımınde, qazaq ūlttyq-simfonikalyq orkestrınıŋ qoldauymen biledı. Qoiylymdar men airyqşa dekorasiia, ädemı kostiumder men mänerlep syrǧanaudaǧy qaitalanbas qimyldar qala tūrǧyndaryn jelpıntıp tastady. Osydan bırer kün būryn Denis Ten baspasöz mäslihatyn ötkızıp, jurnalisterge jemıstı eŋbek etu üşın aianbaitynyn jetkızgen edı. Ärı älemnıŋ maŋdaialdy jūldyzdaryn Qazaqstanǧa äkeluge qaşan da qūmbyldyǧyn aitty. Bız Deniske senemız!
