Elordada salauatty ömır saltyn nasihattau boiynşa halyqqa jäne mındettı äleumettık saqtandyru turaly tüsındıru jūmystary jürgızıldı.
Sonymen bırge şaraǧa kelgen är adam konsultasiialyq-diagnostikalyq tekseruden ötıp, qan qysymy men salmaǧyn ölşep öz densaulyǧynyŋ jalpylama körsetkışterın anyqtauǧa mümkındık aldy. Şartty türde «Densaulyq qalaşyǧyn» qūryp, onda elordalyq medisina ūiymdarynyŋ mamandary tūrǧyndarǧa keŋes berdı.
Şaraǧa tartylǧan elorda erıktılerı köpşılıkke dene şynyqtyru jattyǧularyn jürgızıp, taqyryptyq fleş-mob, sondai-aq şūǧyl medisinalyq kömek körsetu şeberlıkterın de ötkızdı.
Jas mamandar baspanaly boldy
«Janūia» otbasylyq därıgerlık ortalyǧy qalanyŋ şetkı audandarynda da tūrǧyndarǧa qyzmet körsetıp otyr. Atap aitqanda, Baraev, Öndırıs, Qosşy, Qoiandy eldı mekenderınıŋ tūrǧyndaryna medisinalyq kömek körsetedı.
Qazırgı taŋda emhanaǧa tırkelgen azamattar sany 41 200-ge jetken. Ortalyqtyŋ barlyq bölımşelerınde tūrǧyndarǧa alǧaşqy medisinalyq-sanitariialyq qyzmet ūsynyp keledı.
Mūnda kündızgı stasionar da qarastyrylǧan. Sonymen bırge, laboratoriialyq diagnostika, immunoprofilaktikalyq qyzmetterı jūmys ısteidı. Biyl mekemede ekı bırdei «Ana men bala» bölmesın aşyp, jedel järdem kölıgın aldy. Al keler jyly rentgen qūraly üşın bölme aşu josparlanǧan. «Janūia» otbasylyq därıgerlık ambulatoriialary tūrǧyndarǧa qyzmet körsetu maqsatynda 100 paiyz medisinalyq qūral-jabdyqpen jaraqtandyrylǧan. «Jas mamandar tügel derlık baspanamen qamtamasyz etıldı» dep habarlady ortalyqtyŋ direktory Gülmira Biketova.
Esırtkıge qarsy ügıt
Narkologiia jäne psihoterapiia ortalyǧynda halyqaralyq naşaqorlyqpen küres künınde ötkızılgen şaraǧa 300-ge juyq adam qatysty. Esırtkıge täueldılık mäselelerı boiynşa 70 adam bılıktı mamandardyŋ keŋesın aldy. Sondai-aq 30-dan asa aksiia qatysuşylary aǧzadaǧy psihotropty zattardyŋ bar-joǧyna tegın testıleuden öttı.
Ortalyqtyŋ foiesınde esırtkıge qarsy taqyryptyq film körsetılıp, psihoaktivtı zattardyŋ zalaly boiynşa aqparattyq jäne oqu materialdaryn taratty, salauatty ömır salty nasihattaldy.
– Bügıngı ūiymdastyryp otyrǧan aşyq esıkter künı barlyq keluşıler men qatysuşylarǧa tiımdı ötkenıne, öz sūraqtaryna jauap taba alǧan paidaly kün bolǧanyna senımdımız, – dedı ortalyqtyŋ bas därıgerı Olga Komarova.
Qater joq demeŋız…
Nūr-Sūltan qalasyndaǧy №2 köpbeiındı auruhana bazasynda tötenşe jaǧdai kezınde adamdardy qūtqaru jäne densaulyǧyn saqtau jönınde keşendı-jattyǧu sabaqtary ötkızıldı. Osyndai oqytu ıs-qimyldardyŋ däiektı tetıgın äzırleuge, sondai-aq jalpy qabyldanǧan halyqaralyq standarttarǧa säikes keletın tötenşe jaǧdailar kezınde üş auqymdy algoritmdı testıleu jürgızuge mümkındık berdı.
Atalǧan ıs-şara Densaulyq saqtau ministrlıgınıŋ, «Ūlttyq şūǧyl medisinany üilestıru ortalyǧy», sondai-aq Düniejüzılık densaulyq saqtau ūiymynyŋ qoldauymen
ūiymdastyryldy.
