Elordadaǧy Ūlttyq akademiialyq kıtaphana Qazaqstannyŋ Şvesiia Koroldıgındegı elşılıgımen bırlesıp, beinekonferensiia formatynda «Abai oqularyn» ötkızdı.
Abai atamyzdyŋ aituly mereitoiyna arnalǧan onlain jiynǧa Qazaqstannyŋ Şvesiia Koroldıgındegı tötenşe jäne ökılettı elşısı Qairat Äbdırahmanov qatysyp, ızgı lebızın jetkızdı.
– Ūly aqynnyŋ 175 jyldyq mereitoiyna orai Qazaqstan men Şvesiia arasyndaǧy akademiialyq toptar men ädebiet jäne öner salasyndaǧy ziialy qauym ökılderınıŋ basyn qosqan «Abai oqularynyŋ» saltanatty aşyluy – men üşın zor märtebe. Memleket basşysy Qasym-Jomart Toqaevtyŋ «Abai jäne XXI ǧasyrdaǧy Qazaqstan» atty maqalasynda köptegen mäseleler köterıldı. «Jalpy, ömırdıŋ qai salasynda da Abaidyŋ aqylyn alsaq, aitqanyn ıstesek, el retınde eŋselenemız, memleket retınde mūratqa jetemız» degen ūǧym syrtta jürgen diplomattar üşın öte maŋyzdy dep sanaimyn» dedı elşı myrza.
Körnektı aqyn, Qazaqstan Jazuşylary Odaǧynyŋ töraǧasy Ūlyqbek Esdäulet, aqyn, halyqaralyq «Alaş» ädebi syilyǧynyŋ laureaty Orynbai Janaidarov danyşpan tūlǧanyŋ şyǧarmaşylyǧy turaly parasatty oi örbıttı.
