Biyl elordada 22 myŋnan astam adam jūmyspen qamtylady. Qazırgı uaqytta elordada jūmyssyzdyq deŋgeiı 4,6 paiyzdy qūrap otyr. Būl turaly qala äkımdıgınde ötken brifing barysynda Halyqty jūmyspen qamtu ortalyǧynyŋ direktory Azamat Baitasov mälımdedı.
Ortalyq basşysynyŋ aituynşa, ötken jyly 7 myŋnan astam adam tūraqty jūmysqa, 200 adam «Jūmyspen qamtu» jol kartasy arqyly jūmysqa ornalastyrylǧan.
«2021 jyly «Eŋbek» memlekettık baǧdarlamasy aiasynda 23 myŋnan astam adam jūmyspen qamtuǧa järdemdesu ıs-şaralaryna qatysady. «Jastar» täjıribesımen 914 adam qamtylyp, äleumettık jūmys oryndaryna – 185, qoǧamdyq jūmystarǧa 2848 adam jıberıldı. «Alǧaşqy jūmys orny» jobasyna – 91, «Ūrpaqtar kelısımşarty» jobasyna 2 adam qatysty. 213 adam qysqa merzımdı käsıptık oqytumen bılım alyp, 91 paiyzy jūmyspen qamtyldy. «Bastau biznes» jobasy boiynşa 1384 adamǧa käsıpkerlık negızderın oqytuǧa joldama berıldı. Onyŋ ışınde 503 adam memlekettık grant aldy. Käsıpkerlık bastamalardy qoldau aiasynda 92 bizneske nesie berıldı. Jalpy bılım beretın mektepterdıŋ 9-synyp oquşylary arasynda äleumettık käsıbi baǧdarlamamen qamtylǧandar sany 8235 adamdy qūrady. Mügedektıgı bar adamdardy jūmysqa ornalastyru maqsatynda 10 arnaiy jūmys orny qūryldy» dedı ol brifing barysynda.
«Jūmyspen qamtu» jol kartasy aiasynda 2021 jyly 14 infraqūrylymdyq joba ıske asyrylyp, 635 jūmys orny qūryldy. Būl baǧdarlama qatysuşylarynyŋ ortaşa jalaqysy 115 myŋ teŋgenı qūrady. Ortalyq I toqsanda – 3773 otbasyna, II toqsanda – 3302 otbasyna, III toqsanda – 2992 otbasyna, IV toqsanda 2909 otbasyna AÄK taǧaiyndady.
Halyqty jūmyspen qamtu ortalyǧynda 3823 adam jūmyssyz, onyŋ ışınde 915 jas esepte tūr. Jyl basynan berı 1614 adam jūmysqa ornalasty. Onyŋ ışınde 558-ı – jastar. 2022 jyly jūmyspen qamtudyŋ belsendı şaralarymen 22 myŋǧa juyq adamdy tartu josparlanyp otyr. Onyŋ ışınde 7150 adamdy tūraqty jūmys oryndaryna ornalastyrady.
Elordada jastar täjıribesıne qatysuşylardyŋ da eŋbekaqysy artady. Iаǧni biyldan bastap täjıribeden ötu mamandarynyŋ jalaqysy 122 myŋ teŋgenı qūraidy. Al täjıribeden ötu merzımı 6 aidan 1 jylǧa deiın ūzarady. «Jastar» täjıribesıne 998 adam jıberıledı. Qazırgı taŋda būl baǧdarlama aiasyndaǧy jalaqy 122 myŋ teŋgenı qūraidy. Alǧaşqy jūmys ornyna 179 adam jıberıledı. Memleket tarapynan tölenetın jalaqy mölşerı 91 myŋ teŋge bolyp otyr. Sonymen qatar biyl «Ūrpaqtar kelısımşarty» baǧdarlamasy ıske asady.
«Alǧaşqy jūmys orny» jobasy jiyrma toǧyz jasqa tolmaǧan, onyŋ ışınde NEET sanatyndaǧy jäne jūmys täjıribesı joq tülekterge arnalǧan. Qalalyq Jūmyspen qamtu ortalyǧy direktorynyŋ orynbasary Talǧat Esımovtıŋ aituynşa, qatysu merzımı 18 aidan aspaidy.
«Jastar täjıribesı tülekterdıŋ alǧan mamandyǧy boiynşa oqudy aiaqtaǧannan keiın 3 jyl ışınde bastapqy jūmys täjıribesın jinaqtauyna arnalǧan. Jalaqyny memleket töleidı. Būdan basqa, «Alǧaşqy jūmys orny» jobasyna qatysuşylardyŋ jalaqysy 30 AEK-ke deiın nemese 91 myŋ teŋgege deiın ösedı» dedı Talǧat Esımov.
2022 jyldan bastap jaŋa biznes-ideialardy ıske asyru üşın memlekettık grant somasy 200-den 400 AEK-ke deiın artady. Būl 1225200 teŋgege teŋ.
