İndustriia jäne infraqūrylymdyq damu ministrı Qaiyrbek Öskenbaev elordadaǧy mamandandyrylǧan tehnika qūrastyratyn käsıporynnyŋ jūmysymen tanysty. Būl ıs-şaraǧa Nūr-Sūltan qalasy äkımınıŋ orynbasary Erlan Bekmyrzaev, qalalyq İnvestisiialar jäne käsıpkerlık basqarmasynyŋ basşysy Erjan Baltaev qatysty.
«Astana – jaŋa qala» AEA-da ornalasqan jobanyŋ jalpy qūny şamamen 9 mlrd teŋgenı qūraidy. Bastapqy kezeŋde zauytta arnaiy tehnikaǧa arnalǧan 11 myŋnan astam qosalqy bölşekterdı qūrastyru, dänekerleu jäne boiau jūmysy jürgızıldı. Ekınşı kezeŋ tolyq ıske qosylǧan kezde jylyna 10 myŋ daiyn jük pen mamandandyrylǧan tehnika şyǧaru josparlanuda.
Şeteldık investisiialardy tartu arqyly ıske qosylǧan käsıporyn 250-ge juyq adamdy jūmyspen qamtyp otyr. İndustriia jäne infraqūrylymdyq damu ministrlıgınıŋ basşysy zauyt ışkı naryqty arnaiy tehnikamen tolyqqandy qamtamasyz etıp qana qoimai, eksporttalatyn önım kölemın arttyruǧa eleulı üles qosatynyn atap öttı.
Qazırgı uaqytta jobanyŋ ekınşı kezeŋın ıske qosuǧa daiyndyq jūmysy jürgızılude, ony ıske asyru 2021 jyldan bastap 2025 jylǧa deiıngı kezeŋge josparlanǧan.
Aita ketu kerek, arnaiy tehnika qūrastyratyn zauytta kölık qūraldaryn dänekerleu, boiau jäne qūrastyru jūmysy jürgızılude. Sondai-aq mamandandyrylǧan tehnikanyŋ testılık synamalary jinaqtalady.
