Elordada sanitarlyq talaptardyŋ saqtalmauynan COVID-19-dyŋ «ekınşı tolqyny» boluy mümkın.
Soŋǧy mälımetter boiynşa Nūr-Sūltan qalasynda koronavirus infeksiiasynyŋ tez taraluy baiqalǧan. Ötken aptadaǧy auru körsetkışı aldyŋǧy aptadan 1,3 ese nemese 28,7 paiyzǧa joǧary.
«Qazan aiyndaǧy auruşaŋdyqtyŋ ösuı qalada karantin şaralaryn jeŋıldetuge mümkındık bermeidı» dedı Nūr-Sūltan qalasynyŋ bas memlekettık sanitarlyq därıgerı Janna Pırälieva arnaiy ötkızılgen brifingte.
«Qūrmettı elorda tūrǧyndary men qonaqtary, kezektı ret ainalaŋyzdaǧy adamdardyŋ densaulyǧy men ömırıne qamqorlyqpen qarauyŋyzdy sūraimyn. Ol üşın tek qarapaiym erejelerdı saqtau kerek: mındettı türde medisinalyq maska taǧu, äleumettık qaşyqtyqty saqtau, adam jinap, otyrys ötkızbeu, adamdar köp jinalatyn jerlerge barmau kerek» dep atap öttı bas sanitarlyq därıger qala tūrǧyndaryna arnaǧan ündeuınde.
«Soŋǧy uaqytta koronavirus infeksiiasymen auyratyn nauqastardyŋ tūrǧylyqty jerı men jūmys orny boiynşa, sondai-aq jaqyn bailanysta bolǧandar turaly faktılerdı jasyru jäne jalǧan aqparat beru jiıledı. Būl epidemiiaǧa qarsy ıs-şaralardy uaqytyly jürgızuge kedergı keltıredı» dep atap öttı qalalyq bas sanitarlyq därıger.
Bügınde biznes subektılerı şekteu şaralary men sanitarlyq normalardy, karantindık rejimdı elemei otyrǧan körınedı. Būǧan 27 jäne 28 qazanda monitoringtık toptar jürgızgen kündızgı jäne tüngı reidterdıŋ nätijesı dälel bolady. Tekserılgen 290 nysannyŋ 49-ynda būzuşylyqtar anyqtaldy.
«Meiramhanalarda köptegen adamdardy şaqyryp, otbasylyq ıs-şaralar ötkızu älı de bar. Mysaly, 24 qazanda Tūran daŋǧyly, 5 mekenjaiyndaǧy GRANDHALLASTANA meiramhanasynda 70-ten astam adam boldy. «Qyz ūzatu» toiy ötıp, oǧan 50 adam qatysty, al tuǧan kün zalynda 20 adam boldy» dedı Nūr-Sūltan qalalyq PD jergılıktı polisiia qyzmetı basqarmasynyŋ bastyǧy Gosman Jakin.
Sondai-aq mobildı top Manas köşesındegı «Poşaşlychim» kafesı men «Janym-sol» karaoke-barynda jūmys jäne demalys künderı belgılengen jūmys kestesın saqtamai, öz qyzmetın jüzege asyrǧan būzuşylyqtardy anyqtaǧan. Tyiym salynǧan uaqytta Tūran daŋǧyly, 19 mekenjaiyndaǧy Fast425 tüngı kluby jūmys ıstegen.
Elordalyq bas sanitarlyq därıger öz sözınde qala tūrǧyndaryna sanitarlyq qarapaiym erejelerdı saqtau kerek ekendıgın taǧy bır aityp öttı.
