Aldaǧy jyly Astanada ötetın «EKSPO-2017» halyqaralyq mamandandyrylǧan körmesı Qazaqstannyŋ täuelsızdık jyldaryndaǧy ekonomikalyq jetıstıkterın ǧana emes, eldıŋ bai tarihy men mädenietın törtkül älemge paş etuı tiıs. Memleketımızdıŋ är aimaǧynda ūltymyzdyŋ ötken jolynan syr şertetın, şeteldıkterdı qyzyqtyratyn tarihi mekender barşylyq. El ışınen qazaq halqynyŋ tamyryn tereŋnen tartatyn önerımen qonaqtardy tamsandyratyn önerpazdar da tabylary sözsız.
![SONY DSC](https://astana-akshamy.kz/img/2016/11/Paketnye.jpg)
QONAQTAR KÜLLI QAZAQSTANDY ARALAIDY
Irı halyqaralyq şarany ūiymdastyruşylar da sol maqsatty közdep, körme qatysuşylary men qonaqtaryna öŋırlerge saparlardy daiyndap qoiypty. Jaqynda QR İnvestisiialar jäne damu ministrı men QR Mädeniet jäne sport ministrınıŋ bırlesken būiryǧymen turistık baǧdarlar tızbesı bekıtıldı. Oǧan jalpy alǧanda Astana men Almaty qalalary men elımızdıŋ on tört oblysyn qosqanda 73 marşrut engızıldı. Būl degenımız – meimandar Qazaqstannyŋ bükıl aimaǧyn aralaidy degen söz. «Atyŋ barda jer tany jelıp jürıp» dep qazaq aitpaqşy, qonaqtar körme ötetın kezeŋde ūiymdastyruşylar sailap bergen kölıkpen Altaidan Atyrauǧa deiın kösılıp jatqan ūlanǧaiyr dalamyzdy körıp qalady.
«Turistık saparlar Astanadan bastau alady. Elordanyŋ enşısıne 6 baǧdar tiıp otyr. Al eŋ köp marşrut myŋjyldyq tarihy bar Almaty qalasyna būiyrdy. Alatau bauraiyndaǧy äsem şahar boiynşa 19 baǧdar belgılendı. Qalǧan marşruttar oblystardyŋ enşısınde» deidı QR İnvestisiialar jäne damu ministrlıgı Turizm industriiasy departamentınıŋ direktory Marat İǧali.
Onyŋ aituynşa, turistık negızgı baǧdarlardy anyqtau maqsatynda atalmyş departament «Astana-EKSPO-2017» ŪK» AQ men oblys äkımdıkterımen bırlesken jūmystardy jürgızdı. Būl marşruttardy belgılegende, turistık saparlardy sättı ūiymdastyruǧa jol aşatyn basty talaptar da nazarǧa alyndy.
SAPARLAR ASTANADAN BASTALADY
«Körme qatysuşylary men qonaqtary eŋ aldymen Astanaǧa kelıp, «EKSPO-2017» keşenın aralauy tiıs. Olarǧa ūsynylatyn baǧdarlama da tarihi, mädeni jäne säulettık tūrǧydan mazmūndy, ūlttyq boiauy qanyq boluy kerek. Öŋırlerdegı turistık nysannyŋ jaiynan habar beretın aqparattyq anyqtamany da qyzyqty etıp ūsynuǧa tiıstımız. Turistık baǧdarǧa etno jäne ekoturizm elementterı engızıluı qajet. Turavtobustarǧa arnalǧan tūraqtardyŋ boluyn da esten şyǧarmadyq. Turistık nysandarǧa aparatyn joldarda nysannyŋ qaida ornalasqanyn körsetetın belgı de ornatyluy kerek. Muzeiler audiogidtermen qamtamasyz etıluı tiıs. Ekskursiia jürgızetın gidter şet tılderınde söilei bılıp, olardyŋ bılıktılıgı de joǧary bolǧany jön dep otyrmyz. Keibıreulerge ūsaq bop körınetın mäselelerge de nazar audardyq. Atap aitsaq, turistık avtobustardy teledidar men audiogidtermen jabdyqtaudy, turistık toptardy sinhrondy audarmanyŋ jeke qabyldaǧyştarymen qamtamasyz etudı, toqtaityn jerlerde telefondy quattandyratyn jerlerdıŋ, qoǧamdyq därethanalardyŋ boluyna deiın oilastyryp qoidyq. Sondai-aq, qazaq, orys jäne aǧylşyn tılderındegı veb-saitty jasaudy da şeştık» deidı M.İǧali.
Körmege qatysuşylar men qonaqtar saparlarǧa jeŋıl avtokölıktermen, avtobustarmen, temırjol men äue qatynasy arqyly şyǧady. Keibır jerlerde jaiau, salt atty jäne velosipedpen de jüre alady. Olarǧa tau özenderı men jasandy kanaldarmen jüru üşın ürlenetın ülken qaiyqtar – rafting te ūsynylady.
EL JÜREGI ELORDA
QR İnvestisiialar jäne damu ministrlıgı Turizm industriiasy departamentınıŋ direktory aitqandai, Astana qalasy boiynşa alty turistık baǧdar belgılengen. Ūiymdastyruşylar aldymen körmege qatysuşylar men qonaqtarǧa elordanyŋ ajaryn aişyqtaityn körıktı oryndardy aralatady. Olardyŋ qataryna «Han Şatyr» sauda-oiyn-sauyq ortalyǧy, «Astana-Bäiterek» monumentı, «EKSPO» körme keşenı kırıp otyr. Osy jerden şyǧyp, «Burabai – Qazaqstannyŋ marjany» baǧdarlamasymen qonaqtardy būl kurortqa aparu közdelude. Al odan keiın Almatyǧa grand-tur ūiymdastyrylmaq.
Ekınşı kezeŋde qonaqtar «Duman» oiyn-sauyq ortalyǧyna, Astanalyq sirkke, «Atameken» Qazaqstan kartasy» etno-memorialdyq keşenıne, Astananyŋ ortalyq saiabaǧyna barady. Ärı qarai «Astana-Opera» memlekettık opera jäne balet teatryn, «Ǧaşyqtar» saiabaǧyn, «Nūr Astana» meşıtın köredı. Sondai-aq, olarǧa «Mäŋgılık el» triumf arkasyn, «Qazaq elı» monumentın, «Nūrjol» suly-nuly jelekjoly boiyndaǧy barlyq äsem ǧimarattardy körsetu josparlanuda. Ärine, QR Tūŋǧyş Prezidentı – Elbasynyŋ kıtaphanasy, «Äzıret Sūltan» meşıtı, Täuelsızdık saraiy, QR Ūlttyq muzeiı, Beibıtşılık jäne kelısım saraiy, «Prezidenttık» saiabaǧy, Ministrlıkter üiı, «Aqorda» Prezident rezidensiiasy, «Qazaqstan» ortalyq konsert zaly da körsetıledı.
Qalǧan tört baǧyt, säikesınşe, «Elorda, senıŋ aşyluyŋ», «Kazakhstan Switzerland», «Sights of the capital of Kazakhstan» jäne «Astana – elımızdıŋ jüregı» ataularyn alǧan. Būl baǧdarlarda da körme qatysuşylary men qonaqtaryna ūsynylatyn körıktı jerler barşylyq. Bır sözben aitqanda, körme kezınde elordanyŋ sänı men mänı jarasqan barlyq oryndar paş etıledı.
BAIаNAUYL, BIR ŞETI QARQARALY
Basqa oblystardy aitatyn bolsaq, Aqmola öŋırınde qonaqtar Burabai şipajaiyna qosa, Qorǧaljyn qoryǧyna barady. Qaraǧandynyŋ Qarqaralysy men Kerekudıŋ Baianauylyna sapar şegedı. Jalpy alǧanda, elımızdıŋ oŋtüstıgı men soltüstıgındegı, batysy men şyǧysyndaǧy, ortalyǧyndaǧy barşa tarihi jerlerdı köredı. Būl tūrǧydan alǧanda, «EKSPO-2017» halyqaralyq körmesı Qazaqstandaǧy turizmnıŋ damuyna da özınıŋ ülken ülesın qospaq. Şyndyǧyn aitqanda, qazaqstandyqtardyŋ özderınıŋ de elımızde köretın jerler köp. Sondyqtan körme uaqytyndaǧy turistık saparlar barşaǧa qyzyqty bolady dep oilaimyz. At-babalarymyz «Balqan, Balqan, Balqan tau, ol da bızder körgen tau» dep aitatyndai, bıraz jerdı köretın künderge barşamyzdy jetkızsın.
Amanǧali QALJANOV