Biylǧy Astana künı merekesı erekşe saltanatpen Qazaqstan Respublikasy Täuelsızdıgınıŋ 25 jyldyǧy aiasynda atalyp ötıledı.
Astana qalasynyŋ äkımdıgı aituly merekege orai elordanyŋ ärbır tūrǧyny men qonaqtaryn qyzyqtyra alatyndai mädeni-sporttyq şaralar baǧdarlamasyn daiyndady. Merekelık şaralar qalanyŋ barlyq audanynda, sondai-aq, şetkı aimaqtarda, barlyq saiabaqtar, gülzarlar men alaŋdarda ūiymdastyrylatyn bolady.
Astana künı merekesıne arnaiy keluşılerdıŋ qatary jyl saiyp köbeiıp keledı.
Biylǧy merekelık baǧdarlamany «Sahnadan sälem» teatrlar festivalı aşady. 20-26 mausym künderı sahna önerınıŋ körermenderı elımızdıŋ aimaqtarynan keletın teatr ūjymdarynyŋ, sonymen qatar Resei jäne Ukraina teatrlarynyŋ üzdık qoiylymdaryn tamaşalaityn bolady. Merekelık baǧdarlama Jasyl suly-jelek bulvarynda ötetın «AstanaArtFest-2016» qazırgı zamanǧy öner festivalımen jalǧasady. Onyŋ aiasynda muzyka jäne bi festivalderı, kıtap jäne poeziia merekelerı, suretşıler simpoziumy, sondai-aq, keluşılerdıŋ köŋıl-küiın köteruge arnalǧan basqa da qyzyqty şaralar ūiymdastyrylady.
Astanalyqtar men qala qonaqtary jylda kütetın «Aziia jaŋǧyryǧy» atty sirk önerı festivalı de körermenın kütetın bolady. «Astana Arqau» türkı äuenderı, sondai-aq, industriiasynyŋ üzdık ökılderınıŋ qatysuymen ötetın qazırgı zamanǧy muzyka festivalderı de mereke körıgın qyzdyratyn bolady. Būl şaralardyŋ bärıne otandyq önerpazdarmen qatar şeteldık ärtıster de qatysady.
Astana künı merekesı aiasynda otandyq sän älemınıŋ ülgılerın nasihattau, jūrtşylyqqa körsetu maqsatynda «ELLE» jurnalynyŋ elımızdegı sän salasyndaǧy alǧaşqy syilyǧy tabys etıledı. Sondai-aq, qazaqstandyqtar «Arqaiym – kün qalasy» atty uaqyt talabyna sai jaraqtalǧan jaŋa tehnologiialyq 3D-şouyn tamaşalai alady. Ärine, merekelık köŋıl-küidı «Astana Äzıl Fest» jäne «Köŋıldı Astana» äzılqoi önerpazdarynyŋ jūrtty qyran-topan külkıge qaldyratyn şou-baǧdarlamalary köteredı.
Biyl da dumandy mereke aiasynda «Astana – myŋjyldyqtar toǧysynda» atty köşpendılerdıŋ örkeniettı festivalı de öz sän-saltanatymen jūrtşylyqty bauraidy. Onda halqymyzdyŋ san ǧasyrlyq tarihy men mädenietı jäne salt-dästürı beinelenedı. Tūrǧyndar men qonaqtar etno auylǧa tıgılgen aqboz üilerge emın-erkın kıre alady. Sonymen bırge alǧaş ret «Qymyzmūryndyq» festivalı ötedı.
«Serper» halyq aspaptar orkestrınıŋ festivalı ūiymdastyrylady.
Halqymyz önerden eşqaşan kende bolmaǧan. Äsırese, jūrt ūiyp tyŋdaityn «Baǧanaly ordam, basty ordam» atty respublikalyq aqyndar aitysyn erekşe aituǧa bolady. Ömırden erte ozǧan körnektı kompozitor Seidolla Bäiterektıŋ mereitoilyq şyǧarmaşylyq keşı joǧary deŋgeide ötedı dep kütılude. Eldıŋ ystyq yqylasyna bölengen «Muzart» tobynyŋ konsertıne keluşıler de köp bolmaq.
Ärine, aituly merekede salauatty ömır saltyn qalyptastyratyn sporttyq şaralar da jeterlık. Tūrǧyndar men janküierler halyqaralyq «jauyngerlık öner» baiqauyn asyǧa kütıp jürgenı anyq. Sonymen bırge qalalyq «duatlon» turnirı ötedı. Sondai-aq, ūlttyq sport türlerı – asyq atu, qazaq küresı jäne keiıngı kezde ataǧy dürkıregen «Qazaqstan barysy» baluandary küş synasady.
Dumandy şaraǧa Qazaqstandaǧy är eldıŋ elşılıkterı de belsendı üles qospaq. Aitalyq, Amerika Qūrama ştaty elşılıgınıŋ bastamasymen «Beibıtşılık jäne kelısım» saraiy men «Bäiterek» monumentı aldynda önerpazdardyŋ qatysuymen «Broadway Bound» atty brodvei miuziklı ötedı. İtaliia elşılıgı «Astana samaly» dep atalatyn ürlemelı orkestrıne şaqyrdy. Merekelık ıs-şaralardyŋ baǧdarlamasy men aqparattary www.astanaday.kz saitynda jariialanǧan.
Al konsertterge biletter qaladaǧy «Qazaqstan» ortalyq konsert zaly, «Mega Astana», «Keruen» sauda-oiyn-sauyq ortalyqtarynyŋ jäne «Kongress-holl», «Jastar», «Beibıtşılık jäne kelısım» saraiy jäne QazMedia ortalyǧy men Ministrlıkter üiınıŋ 11-kıreberısındegı kassalardan jäne www.koncertyastany.kz saitynan satyp ala alasyz.
Merekedegı konsertterdıŋ jazba körsetılımı respublikalyq telearnalar arqyly berıledı.
