Qazaqstan Prezidentıne Astana qalasyn odan ärı damytudyŋ jäne tūrǧyn üi alaptarynda qūrylys jürgızudıŋ jospary tanystyryldy.
Memleket basşysy elorda tūrǧyndarynyŋ tūrmysy üşın qolaily jaǧdai jasaudyŋ äleumettık maŋyzy joǧary ekenıne toqtalyp, qala qūrylysynda keşendı ädıs qoldanudyŋ qajettıgın atap öttı.
Nūrsūltan Nazarbaev qala halqyn qoljetımdı äleumettık nysandarmen, sonyŋ ışınde bılım beru jäne densaulyq saqtau mekemelerımen qamtamasyz etudıŋ maŋyzdylyǧyn aitty.
Sonymen qatar, Elbasy şahardy kögaldandyru, qalada kölık qatynasyn oŋtailandyruǧa mümkındık beretın avtotūraqtar men jolairyqtar salu mäselelerıne nazar audardy.
Astana äkımı B.Sūltanov Memleket basşysyna elordada äleumettık, kommersiialyq, äkımşılık jäne tūrǧyn üi nysandaryn saludyŋ josparlary turaly mälımdep, qala infraqūrylymyn damytudyŋ perspektivalary jönınde baiandady. Qala basşylyǧynyŋ aqparatyna säikes, jyl basynan berı elordada 1,7 million şarşy metr tūrǧyn üi paidalanuǧa berılgen jäne jyl soŋyna deiın taǧy da 2,3 million şarşy metr tūrǧyn üi salu josparlanyp otyr.
