«Nūrjol» bulvarynyŋ boiymen qydyrǧan elordalyqtar men qala qonaqtary endı Elbasynyŋ qyzmet jolyndaǧy jetıstıkterınen syr şertetın fotosuretterdı tamaşalai alady. Mūndai mümkındık «Jasampazdyq pen tūraqtylyqtyŋ 30 jyly» atty aşyq aspan astynda ūiymdastyrylǧan galereia aiasynda ıske asuda.
Galereianyŋ aşylu saltanatyna şahar äkımı Altai Kölgınov qatysty.
– Būl suret körmesı – Tūŋǧyş Prezidenttıŋ otyz jyl el basqarudaǧy strategiialyq talantyn tanytuda, täuelsız Qazaqstannyŋ qalyptasuyndaǧy tarihi rölın jäne halyqaralyq arenadaǧy ūstanymyn zerdeleude maŋyzdy şara. Nūrsūltan Äbışūlynyŋ el astanasyn qazırgıdei deŋgeige deiın jetkızudegı eŋbegın de elemeuge eş bolmas. Osy joldaǧy oqiǧalardyŋ obektivke ılıngenderın halyq bügıngı galereiadan tamaşalai alady, – dedı ol.
Körmege 100-ge tarta jūmys qoiylǧan. Onyŋ ışınde memlekettık rämızderdıŋ qabyldanuy, şekaranyŋ bekıtıluı, astananyŋ köşuı tärızdı aituly sätterden estelık fotolar bar. Is-şaraǧa Nūr-Sūltan qalasynyŋ Memlekettık arhivı men Tılderdı damytu jäne arhiv ısı basqarmasy mūryndyq bolǧanyn aita ketu kerek.
