Keşe Qazaqstan Respublikasynyŋ Prezidentı Nūrsūltan Nazarbaev özınıŋ ökılettıgın toqtatatynyn resmi BAQ-tar arqyly mälımdedı. Prezident sailauyna deiın Memleket basşysynyŋ mındetın Senat töraǧasy Qasym-Jomart Toqaev atqarady.
Elbasy özınıŋ ökılettılıgı toqtatylǧan jaǧdaida Memleket basşysynyŋ mındetın Qasym-Jomart Toqaev atqaratynyn aitty. «Qazaqstandaǧy bilık sabaqtastyǧy konstitusiialyq tūrǧydan rettelgen. Prezidenttıŋ ökılettıgı merzımınen būryn toqtatylǧan jaǧdaida onyŋ ökılettıgı qalǧan merzımı aiaqtalǧanǧa deiın Senat töraǧasyna berıledı. Sodan keiın jaŋa Prezident sailauy bolady. Qazır Parlament Senatynyŋ töraǧasy Qasym-Jomart Kemelūly Toqaev» dep jalǧady sözın N.Nazarbaev.
Qasym-Jomart Toqaev QR Prezidentı qyzmetıne aǧymdaǧy jyldyŋ 20 nauryzynan bastap kırısedı. Būl turaly Nūrsūltan Nazarbaev halyqqa ündeuınde mälım ettı. «QR Konstitusiiasynyŋ 42-babynyŋ 3-tarmaǧyna säikes, 2019 jyldyŋ 20 nauryzynan bastap özımnıŋ Qazaqstan Respublikasynyŋ Prezidentı ökılettıgımdı toqtatuǧa qauly etemın. Konstitusiiamyzdyŋ 48-babynyŋ 1-tarmaǧyna säikes, QR Prezidentınıŋ qalǧan merzımdegı mındetı Qazaqstan halqyna ant bergen sätten bastap Senat töraǧasyna köşedı» dedı N.Nazarbaev.
Qasym-Jomart Kemelūly Toqaev 1953 jyly tuǧan, ūlty – qazaq. Mäskeu memlekettık halyqaralyq qatynastar institutyn, Pekin lingvistikalyq institutyn (KHR), Resei Federasiiasy Syrtqy ıster ministrlıgınıŋ Diplomatiialyq akademiiasyn bıtırgen. Saiasi ǧylymdarynyŋ doktory. Resei Federasiiasy Syrtqy ıster ministrlıgı Diplomatiialyq akademiiasynyŋ qūrmettı doktory jäne professory. Jeneva diplomatiia jäne halyqaralyq qatynastar institutynyŋ qūrmettı doktory. Bükılälemdık Jaratylystanu jäne gumanitarlyq akademiiasynyŋ tolyq müşesı. Diplomatiialyq därejesı – Tötenşe jäne ökılettı elşı.
Özınıŋ saiasi mansabyn 1975 jyly KSRO-nyŋ Syrtqy ıster ministrlıgıne qyzmetke kelumen bastaǧan. Bıraz uaqyttan keiın Singapurdaǧy keŋestık elşılıkke jūmysqa auysty. 1979 jyly KSRO SIM-nıŋ apparatyna qaityp oraldy. 1984-1991 jyldary Beijıŋdegı elşılıkte ekınşı, bırınşı hatşy, keŋesşı bolyp qyzmet ettı. 1992 jyly Qazaqstan Respublikasy Syrtqy ıster ministrınıŋ orynbasary bolyp taǧaiyndaldy. 1999 jyldyŋ nauryz aiynda Premer-ministrdıŋ orynbasary boldy. Sol jyly qazan aiynda Ükımet basşysy qyzmetıne taǧaiyndaldy. Osy qyzmettı 2007 jylǧa deiın atqardy. Odan ärıde Memlekettık hatşy, Syrtqy ıster ministrı, üşınşı, törtınşı sailanymdaǧy Qazaqstan Respublikasy Parlamentı Senatynyŋ Töraǧasy boldy.
BŪŪ Bas hatşysynyŋ orynbasary, BŪŪ-nyŋ Jenevadaǧy bölımşesınıŋ Bas direktory, Qarusyzdandyru konferensiiasynyŋ Bas hatşysynyŋ qyzmetınen 2013 jylǧy 16 qazanda Qazaqstan Respublikasy Prezidentınıŋ Jarlyǧymen Parlament Senatynyŋ deputattyǧyna taǧaiyndalyp, Qazaqstan Respublikasy Parlamentı Senatynyŋ Töraǧasy bolyp sailandy.
2017 jylǧy 14 qyrküiekte Qazaqstan Respublikasy Parlamentı Senatynyŋ otyrysynda Prezidenttıŋ ūsynysy boiynşa jasyryn dauys beru arqyly Qasym-Jomart Kemelūly TOQAEV Qazaqstan Respublikasy Parlamentı Senatynyŋ Töraǧasy bolyp qaitadan sailandy.
