Qoǧamdyq kölık 70 paiyzǧa jaŋardy
Qala basşysy jolauşylar kölıgınıŋ tūraqty jūmys ısteuı halyqtyŋ jaily ömır süru deŋgeiınıŋ bır körsetkışı bolyp tabylatynyn atap öttı. «Jolauşylar men avtokölık jürgızuşılerı özderı tūratyn qalada qolaily, jaily ömır süruı üşın jyl saiyn avtoparkımız jaŋaryp otyrady. Mäselen, bas qalanyŋ qozǧalmaly qūramy 70 paiyzǧa jaŋardy. Mamandar avtobustardy der uaqytynda jöndep, tekserısten ötkızedı» dedı Altai Seidırūly.
Qalalyq akseleratordyŋ şeŋberınde qūrylǧan jūmys toby qoǧamdyq kölıktı odan ärı jetıldıru jūmystarymen ainalysuda. Osy mäselenı tılge tiek etken äkım Nūr-Sūltannyŋ «jasyl» ekonomikaǧa köşetının jetkızdı. «Jyl saiyn qala tūrǧyndarynyŋ sany ösıp keledı. Halyq köbeigen saiyn avtokölıkterdıŋ sany da ūlǧaiuda. Qorşaǧan ortaǧa taralatyn qaldyqtardy qysqartuǧa ūmtylyp jatyrmyz. Osyǧan orai, jyldyŋ soŋyna deiın 100 elektroavtobus satyp alamyz. Jäne onymen şektelıp qalmaimyz» dep mälımdedı A.Kölgınov.
Servistıŋ sapasyna şaǧym köp
Qazırgı taŋda elordanyŋ jolauşylar kölıgı salasynda 3 myŋnan asa adam jūmys ısteidı. Kün saiyn 900 avtobus jolǧa şyǧady, olarda 1700 adam eŋbek etedı. Būl saladaǧy damudyŋ bır körsetkışı – jaŋa kölıkter. Mysaly, soŋǧy 5 jylda qala bilıgı 700-den asa jaŋa avtobus satyp alǧan. Jolauşylarǧa qyzmet körsetetın kölıkterdıŋ barlyǧy zamanaui beinebaqylau jüiesımen jabdyqtalǧan. Jaŋa avtobustardyŋ bärınde erekşe qajettılıkterı bar adamdardy tasymaldauǧa arnalǧan pandustar bar. Būǧan qosa, jergılıktı bilık avtobustardyŋ qolaily jaǧdaida jürıp-tūruy üşın köşelerdegı tasjoldarǧa ünemı jöndeu jūmystaryn jürgızedı.
Qala basşysy qoǧamdyq kölıktıŋ basymdyǧyn arttyrudyŋ maŋyzdylyǧyna toqtaldy. Bas qalada avtobustarǧa arnalǧan Bus Lane arnaiy jol jolaqtarynyŋ paida boluy avtobustardyŋ qozǧalu jyldamdyǧyn arttyra tüstı. «Eger de adamdar qoǧamdyq kölıktı köbırek paidalanatyn bolsa, būl qala damuynyŋ bır körsetkışı bolyp tabylady. Qazır Bus Lane engızılgennen keiın jolauşylar dıttegen jerıne jeŋıl avtokölıkterden jyldamyraq jetetın boldy. Būǧan qosa, bilet satudy elektrondyq jüiege köşıru avtoparkterdıŋ tabysyn 40 paiyzǧa deiın köteruge mümkındık tuǧyzdy» dep atap öttı A.Kölgınov.
Alaida elordadaǧy qoǧamdyq kölıktegı qyzmet körsetudıŋ deŋgeiıne halyqtyŋ köŋılı tolmai otyrǧany ras. Būl mäselenı aşyq aitqan äkım naqty mysaldar keltırdı. Onyŋ aituynşa, biyl qoǧamdyq kölıktegı qyzmetke qatysty äkımdıkke kelıp tüsken şaǧymdar 60 paiyzǧa (2018 jyly – 13 myŋ, 2019 jyly – 21 myŋ) deiın ūlǧaiǧan. «Eger 2018 jyly qyzmet körsetu sapasyna qatysty 13 myŋ şaǧym tüsse, biyl onyŋ kölemı 21 myŋǧa deiın ösıp otyr. Bızge būl sandy tüzetu kerek. Bız qazır qoǧamdyq kölık salasyna qatysuşylardyŋ bärıne qolaily jaǧdai tuǧyzu üşın jūmys ıstep jatyrmyz. Eŋ bastysy – jolauşylardyŋ qauıpsızdıgın tolyq qamtamasyz etu» dep tüsındırdı mäselenı äkım.
