Elbasynyŋ tapsyrmasy boiynşa, biyldan bastap el azamattary memleket tarapynan rūqsat etıletın barlyq qūjattardy elektrondy türde nemese halyqqa qyzmet körsetu ortalyqtary arqyly alu kerek. Osyǧan bailanys-ty Astana qalasynyŋ Ädılet departamentı de köptegen jūmystardy qolǧa aldy. Sonyŋ bırı – zaŋdy tūlǧalardy elektrondyq nūsqa arqyly memlekettık tırkeu.
Biyl 9 qaŋtardan bastap, «Qazaqstan Respublikasyndaǧy keibır zaŋnamalyq aktılerıne zaŋdy tūlǧalardy memlekettık tırkeu jäne filialdar men ökıldıkterdı eseptık tırkeu mäselelerı boiynşa özgerıster men tolyqtyrular engızu turaly» zaŋy küşıne endı. Osy qūjatqa bailanysty är azamat üiınde otyryp-aq, biznesın 15 minuttyŋ ışınde aşa alady. Ol üşın «Elektrondyq ükımet» portalyna kırıp, qajettı saualdarǧa jauap berıp, zaŋdy tūlǧa retınde tırkeluı kerek. Tırkeu qorytyndysynda ötınış jıbergen adam memlekettık tırkeuge zaŋdy tūlǧa retınde tırkelgenı turaly anyqtamany ala alady.
Zaŋdy tūlǧany tırkeu üşın ötınış beru, oǧan elektrondyq sifrlyq qoltaŋba qoiu, körsetılgen qyzmetke tölem şliuzı arqyly töleu «Zaŋdy tūlǧalar» memlekettık derekter qoryna ötınış arqyly jüzege asyrylady. Osy elektrondy qyzmettıŋ arqasynda käsıpkerler tek uaqytyn ǧana emes, qarajatyn da ünemdei alady.
Osy jyldyŋ alǧaşqy toqsanynda 600 şaǧyn käsıpkerlık subektısı «Elektrondyq ükımet» portalyna tırkelıp, eşqaida sabylyp jatpai-aq, qajettı mälımetke qol jetkızdı.
Elordanyŋ ädılet organdary osy baǧyttaǧy jūmystardy odan ärı jetıldıre tüspek. Öitkenı, elektrondy qyzmet türı – memlekettık qyzmet körsetudıŋ sapasyn arttyrady. Būl öz kezegınde el azamattarynyŋ zaŋdy qūqylarynyŋ saqtaluyna, jeke müddesınıŋ qorǧaluyna mümkındık tuǧyzatyny anyq.
Gülmira Aimaǧanbet
