Qyzmet aiasy keŋeie tüstı
Älemdık örkenietke jetudıŋ bır joly – aqparattyq tehnologiianyŋ aǧymynan qalmai ılesıp otyru. Damyǧan memleketterde qaǧazbastylyq ūǧymy joq.
Ondaǧy qyzmetterdıŋ barlyǧy derlık elektrondyq jüiege köşken. Elordada qolǧa alynǧan elektrondy äkımdık jobasy da uaqytty ünemdeudıŋ, qaǧazbastylyqtan qūtyludyŋ jäne memlekettık qyzmetter deŋgeiın baǧalaudyŋ tiımdı täsılı.
E-äkımdık jobasy ıske qosylǧaly qala tūrǧyndary qajettı mälımetterdı der kezınde alyp, uaqytyn äldeqaida ünemdegenı anyq. Elorda äkımdıgı biylǧy qaŋtar aiynan qyrküiekke deiın 1 255 197 memlekettık qyzmet körsetse, onyŋ 34 369-y halyqqa qyzmet körsetu ortalyqtary arqyly, al, 22500-ı elektrondy nūsqada körsetılgen.
Osy jyldan bastap Memlekettık qyzmetterdıŋ tızılımıne özgerıster men tolyqtyrular engızılgenı belgılı. Būl tızımge 647 memlekettık qyzmet kırgen. Sonyŋ 118-ı – jergılıktı äkımdıktıŋ enşısınde.
Bügınde Astana qalasy boiynşa 19 memlekettık qyzmet elektrondy nūsqaǧa köşken. Olardyŋ barlyǧy da tūrǧyndarǧa asa qajettı, joǧary sūranysqa ie.
Byltyr «Elektrondy Ükımettıŋ» veb-portaly arqyly 1 258 habarlama kelıp tüsse, vedomstvolyq portalǧa ötınış jıbergen tūrǧyndar sany – 7 839.
Qymbat TOQTAMŪRAT