Keşe Astanada «Azamattarǧa arnalǧan ükımet» memlekettık korporasiiasy «Elektrondyq qyzmet ortalyǵy» keşenın aşty.
Būl – Halyqqa qyzmet körsetu ortalyǧynyŋ jaŋa formattaǧy nūsqasy. Mūnda tūrǧyndar zamanaui tehnologiialar arqyly memlekettık qyzmetterdı öz betımen alyp, sandyq sauattylyǧyn arttyra alady. Endı jeke kuälıktıŋ ornyna bet-älpetı men sausaq ızı jetıp jatyr.
Osy arqyly qajet mälımetterdı aluǧa bolady. Al bazaǧa tırkelgen azamatty ortalyqqa kırgen bette intellektualdy kamera aty-jönın aityp qarsy alady. Kerı jaǧdaida biometrlık mälımetterın tırkeuden ötkızuı qajet.
Ortalyqtyŋ taǧy bır erekşelıgı tūrǧyndarǧa I-sana atty virtualdy keŋesşı qyzmet etedı. Ol qajet anyqtamany qalai alu kerektıgın aityp tüsındıredı. Sonymen qatar mekenjai anyqtamasyn alu da būrynǧyǧa qaraǧanda aitarlyqtai jeŋıldedı. Endı ony Telegram jelısındegı paraqşasy arqyly da kez kelgen jerden aluǧa mümkındıgı bar.
Al köpşılıktı qyzyqtyratyn taǧy bır jaŋaşyldyǧy – jürgızuşı kuälıgın alardan būrynǧy synaqty däl osy ortalyqtaǧy kölıkke ūqsas ornatylǧan «digital drive» jabdyǧy arqyly tapsyruǧa bolady. Būdan bölek, «Video call room» aimaǧynda memlekettık organdardyŋ basşylaryna beinejoldau arqyly qajet saualdaryn qoiyp, 15 künnıŋ ışınde jauabyn alady.
Jaŋa ortalyq EKSPO aumaǧynda ornalasqan. Onyŋ aşyluyna Premer-ministrdıŋ orynbasary Asqar Jūmaǧaliev pen özge de resmi ökılder qatysty.
