Biznes-turistıŋ Astanadaǧy bır kündık şyǧyny şamamen 600 AQŞ dollarynan asady.
«Astana Konvenşn Biuro» JŞS direktorynyŋ orynbasary Mahuas Helena jurnalisterge arnalǧan «Iskerlık turizmdı damytu üşın käsıpkerlık qyzmetterdı qoldau» taqyrybyndaǧy seminarda osyndai derektı mälım ettı.
– Bıraq būl – 2006-2016 jylǧy statistikalyq mälımet. Soŋǧy ekı jyldyŋ körsetkışı äzırge jariialanǧan joq, – deidı ol.
Onyŋ aituynşa, halyqaralyq deŋgeide ötetın konferensiia, forum siiaqty türlı şaralar qalanyŋ äleumettık ahualynyŋ jaqsaruyna zor serpın beredı. Al Astanada ondai şaralardy ötkızuge laiyqty 30-dan asa körıktı oryndar men turister aialdaityn 200-den asa otel bar.
– Barselona, Parij, Praga, Vena qalalary osyndai şaralardy ötkızuden köş bastap tūr. Jalpy, älem elderı boiynşa ıs-şaralardan tüsken bır jyldyq qarjy 11 trillion dollardy qūraǧan. Mıne, halyqaralyq şaralardy ötkızudıŋ paidasy osyndai, – deidı Mahuas Helena. – Astanada jobalar öte köp. Jaŋadan boi kötergen halyqaralyq äuejai men temırjol beketı zamanaui ülgıde salynǧan. Jolauşylarǧa öte yŋǧaily. Osynyŋ arqasynda Qazaqstandy tranzittı el retınde damytuǧa bolady. Jalpy, Astana – turisterge yŋǧaily qala. Elordanyŋ Orta Aziiamen qatar, köptegen älem qalalarynyŋ arasynda köşbasşy şaharǧa ainaluǧa mümkındıgı mol.
