1995 jyly qūrylǧan Nūr-Sūltan qalasy memlekettık arhivınde bastapqyda 40 qor bolǧan. Elordanyŋ tūraqty damu serpını arhiv qory qūjattarynyŋ tolyqtyryluyna äser ettı.
2021 jylǧy 1 qyrküiektegı jaǧdai boiynşa arhiv jalpy kölemı 382626 saqtau bırlıgı bar 722 qordyŋ saqtaluyn qamtamasyz etedı. Arhiv qory 25 jyl ışınde 18 esege ūlǧaidy. Sonyŋ ışınde jalpy kölemı 73057 saqtau bırlıgı bar 85 qorda asa qūndy qūjattary saqtalǧan. Qūjattardyŋ şamamen jalpy kölemı – 50 mln paraq. Qūjattardyŋ şamamen 70 paiyzynda öşetın nemese säl kontrasty mätın bar.
Bügıngı taŋda arhivte 1915-2020 jyldar aralyǧyndaǧy bıregei qūjattar saqtaluda. Qūjattar qazaq jäne orys tılderınde ūsynylǧan. XX ǧasyr basyndaǧy arab jazuy, latyn jäne kirillisa negızınde jazylǧan qūjattar da bar.
Qūjattardyŋ ülken qabaty 1941-1945 jyldardaǧy Ūly Otan soǧysy jyldaryndaǧy tūrǧyndardyŋ ömırın, maidanǧa kömek körsetudı, evakuasiialanǧan käsıporyndardy qabyldau men ornalastyrudy kuälandyrady.
Tyŋdy köteru – osy ölke tarihynyŋ jeke paraǧy. Būl proseske barlyq Keŋes respublikalary qatysty. Tyŋ igeruşılerdıŋ ūrpaqtary älı künge deiın elordada tūrady. Tyŋ ölkesı mekemelerınıŋ (Kökşetau, Qostanai, Pavlodar, Soltüstık Qazaqstan jäne Selinograd oblystary) qorlary 1961-1965 jyldar kezeŋınde süt, ūn tartu, bylǧary jäne önerkäsıptıŋ basqa da salalarynyŋ damuy turaly mälımetterdı qamtidy.
Auyl şaruaşylyǧynyŋ damu tarihy okrugtık jer basqarmasynyŋ, oblystyq jerge ornalastyru bölımşesınıŋ, kolhozdar men MTS qorlarynyŋ qūjattarymen ūsynylǧan. Mal şaruaşylyǧyn damytu, dändı daqyldardyŋ önımdılıgın arttyru, şabyndyq jäne egıstık jerlerdı qaita bölu turaly mälımetter bar.
Ǧylymdy, mädeniettı, halyqqa bılım beru men densaulyq saqtaudy damytu, elektrlendıru, tūrǧyn üi qūrylysy, kölık pen bailanysty damytu turaly maŋyzdy materialdar jinaldy.
1995 jyly arhivte «Astana – jaŋa astana» qory qūryldy. Onda elordanyŋ jaŋa kezeŋınıŋ tarihyn aşatyn qūjattar ornalasqan.
