2016 jylǧy 6 mausymda elorda äkımı Ä.R. Jaqsybekov Astana qalasynyŋ Terrorizmge qarsy komissiiasynyŋ kezekten tys otyrysyn ötkızdı. Otyrys barysynda qauıpsızdık şaralaryn, äsırese terroristık tūrǧydan osal nysandarda küşeitu mäselelerı qaraldy.
5-6 mausymda Aqtöbe oblysynyŋ aumaǧynda oryn alǧan oqiǧalarǧa bailanysty terroristık sipattaǧy qauıp-qaterdıŋ aldyn alu maqsatynda Qazaqstan Respublikasynyŋ Ūlttyq qauıpsızdık komitetı el aumaǧynda 40 täulıkke terroristık qauıptılıktıŋ bırqalypty «sary» deŋgeiı belgılendı.
Terroristık qauıptılıktıŋ «sary» deŋgeiı jariialanǧan jaǧdaida ūstalatyn tärtıp boiynşa ūsynystar.
Qūrmettı elorda tūrǧyndary men qonaqtary!
Qarausyz qalǧan sömkelerge, qoraptarǧa, tüiınşekterge, qaptarǧa, chemodandarǧa, äsırese symdar men tehnikalyq qūraldar şyǧyp tūrsa, sondai-aq, qoǧamdyq jerlerde jäne kölıkte kümändı, küdıktı adamdarǧa nazar audaryŋyzdar.
Saqtau nemese tasymaldau üşın kümändı zattardy almaŋyzdar.
Ainaladaǧylarǧa qarausyz qalǧan zattarǧa qol tigızudıŋ qauıptı ekendıgın tüsındırıŋızder. Qūqyq qorǧau organdarynyŋ qūjat tekseru jūmystaryna tüsınıstıkpen qarap, olarǧa kömektesıŋızder.
Aǧymdaǧy jaǧdaidy baqylap, jaŋalyqtardy tyŋdaŋyzdar.
Dürlıguge jol bermeŋızder.
Kümändı zattardy tapqan jaǧdaida, dereu 112, 102, 71-60-10, 71-61-10 nomerlerıne habarlasyŋyzdar.
http://astana.gov.kz
