Elordalyq ardagerlerge Jeŋıs künıne orai 1 million teŋgeden tölenedı
Bügın Astanada besınşı şaqyrylymdaǧy qalalyq mäslihattyŋ sessiiasy öttı. Otyrys barysynda Astana qalasy äkımınıŋ orynbasary Andrei Lukin jaqyn arada qandai jobalarǧa qarjy bölınetını turaly baiandady.
2015 jylǧy 11 jeltoqsandaǧy «Astana qalasynyŋ 2016-2018 jyldarǧa arnalǧan biudjetı turaly» Astana qalasy mäslihatynyŋ şeşımıne özgerıster men tolyqtyrular engızu mäselesın qarastyra kele, A. Lukin Täuelsızdıktıŋ 25 jyldyǧyna arnalǧan monumenttı jasauǧa jäne ornatuǧa jergılıktı biudjetten 100 million teŋge bölınetının atap öttı. Onyŋ aituynşa, sondai-aq, biudjette Triumfaldy arkanyŋ janyndaǧy döŋgelek alaŋdy abattandyru qarastyrylǧan.
Astana äkımınıŋ baspasöz qyzmetı habarlaǧandai, otyrys barysynda Astanada mügedekterdı, qarttar men auru jandardy kütu boiynşa jaŋa käsıporyn aşylatyny mälım boldy.
– Qazırgı kezde äleumettık jūmyskerler üş audandyq äkımdıktıŋ qūramynda. Olardyŋ jalpy sany – 112 adam. Endı būl jūmyskerler bır memlekettık-kommunaldyq käsıporynǧa bırıktırıledı, ol mügedekterdı, qarttar men syrqat jandardy kütu boiynşa qyzmetter spektrın keŋeitedı. Mūqtaj jandarǧa üilerınde äleumettık kömek körsetu jönındegı memlekettık baǧdarlama aiasynda audan äkımdıkterıne 185 million teŋge kölemınde qarjy bölınıp, Jūmyspen qamtu jäne äleumettık qorǧau basqarmasynyŋ funksiialary Äleumettık qyzmet körsetu ortalyǧyna berıledı. Būl käsıporynǧa auru adamdardy, qarttardy kütudı qajet etetınderdıŋ barlyǧy jügıne alady. Aldaǧy uaqytta qyzmetter spektrı keŋeie tüspek, – dedı Andrei Lukin.
Astana qalasy äkımınıŋ orynbasary tüsken qarjy azamattyq qyzmetşılerge eŋbekaqy töleuge jūmsalatynyn jetkızdı. Būl maqsattarǧa qosymşa qarjylar bölınbeidı, ol qaita ülestırıledı.
Käsıporyn öz jūmysyn biyl säuır aiynda bastaidy.
Sonymen qatar, psihonevrologiialyq dispanser salu turaly şeşım qabyldandy. A. Lukin eŋ jaqyn psihonevrologiialyq dispanserdıŋ Aqmola oblysynyŋ Aqköl qalasynda ornalasqanyn atap öttı.
Kezekten tys sessiia barysynda biyl elordalyq ardagerlerge 9 mamyr merekesıne orai taǧy da 1 million teŋgeden tölenetını aityldy. Jalpy, Astanada Ūly Otan soǧysyna qatysqan 172 adam tūryp jatyr. Qalalyq mäslihat deputattary būl bastamany bırauyzdan qoldady.
Otyrys soŋynda jergılıktı biudjetke engızıletın tüzetuler bekıtıldı. Andrei Lukinnıŋ mälımetınşe, 2016 jyldyŋ basynda qalalyq qazynada 9 milliard 200 million teŋge kölemınde bos qarajat qalǧan. Kırıs bölıgı negızgı äleumettık-ekonomikalyq körsetkışterdıŋ artuymen bailanysty. Onyŋ aituynşa, būl qarjydan qalanyŋ qajettılıkterıne 8 milliard teŋge jūmsau közdelgen.
astana-akshamy.kz
