Germaniiada ötken konkimen jügıruden jasöspırımder arasyndaǧy älem chempionatynda astanalyq Alina Dauranova kümıs jüldeger atandy.
Alina Dauranova 1000 metr qaşyqtyqty 1:17.76 uaqytta baǧyndyryp, märe syzyǧyn ekınşı bolyp kestı. Osyǧan deiın astanalyq sportşy 500 metr qaşyqtyqqa jügıruden qola medal enşılegen bolatyn.
Sondai-aq Qazaqstan sportşylary Germaniia, İspaniia, İtaliia, Kanada, Oŋtüstık Koreia, Latviia, Niderlandy, Norvegiia, Polşa, AQŞ sportşylary qatysqan komandalyq sprint jarysynda kümıs jüldege qol jetkızdı. Qūrama sapynda Alena Lifatova, Arina İliaşenko, Alina Dauranova jäne Kristina Şumekova öner körsettı.
Osylaişa, İnsell qalasynda ötken konkimen jügıru sportynan älem chempionatynda Qazaqstan qūramasy üş jüldege qol jetkızdı, onyŋ ekeuın astanalyq sportşy jeŋıp aldy.
