Keşe Astanada jalpy bılım beretın pänder boiynşa 9-11-synyp oquşylaryna arnalǧan respublikalyq olimpiadanyŋ III qalalyq kezeŋı bastaldy.
Olimpiada «bır qatysuşy – bır kompiuter – bır kamera» qaǧidasymen proktoring jüiesın qoldanu arqyly respublika boiynşa bır mezette bastaldy.
Astana qalasy boiynşa 3205 bala qatysty. Qalalyq kezeŋge eŋ köp ūpai jinap, jüldelı oryndarǧa ie bolǧan 1220 bala öttı. Oǧan daryndy balalarǧa arnalǧan mamandandyrylǧan mekteptermen, respublikalyq jäne halyqaralyq olimpiadalarynyŋ jeŋımpazdary qosylǧanda barlyǧy 1582 oquşy qalalyq kezeŋge qatysyp jatyr.
Oquşylar olimpiadasy 13-18 aqpan aralyǧynda ötedı.
«Mektep oquşylarynyŋ intellektualdyq damuyna baǧyttalǧan mūndai pändık olimpiadalardy ötkızudegı negızgı maqsatymyz – jas ziialylardy anyqtap, olarǧa qoldau körsetu. Sonymen qatar, türlı deŋgeidegı ziiatkerlık saiystarda joǧary sapaly öner körsetu üşın olimpiadalyq rezervtı qalyptastyru. Elordalyq oquşylarǧa respublikalyq olimpiadanyŋ qalalyq kezeŋınde sättılık tıleimın» dedı Bılım basqarmasynyŋ basşysy Qasymhan Senǧazyev olimpiadanyŋ aşyluyna arnaǧan sözınde.
