Elordada Säken Seifullin muzeiınde aqyn, memleket qairatkerı, jazuşy-dramaturg, sazger Säken Seifullinnıŋ 130 jyldyq mereitoiy men 31 mamyr Saiasi quǧyn-sürgınge ūşyraǧandardy eske alu künıne arnalǧan «Küi qūdıretı» atty qalalyq küişıler baiqauy ötedı.
Maqsaty – Arqa topyraǧynda düniege kelıp, dästürlı qazaq önerınıŋ örısın keŋeitıp öresın ūzartqan tuma daryn, syrbaz aqyn ärı sazger Säken Seifullinnıŋ öşpes önerı men şyǧarmasyn nasihattau, aqynnyŋ 130 jyldyǧy aiasynda halqymyzdyŋ töl önerınıŋ bıregeiı küişılıktı qoldau jäne örkendetu.
Mındetterı- Sary dalanyŋ tösın än-jyrymen, kümbırlı küiımen, alaman aitysymen dübırge bölegen düldılderdıŋ mūrasyn jaŋǧyrtu;
El ortasynan şyqqan küişılerdı, aǧa buynnyŋ ızın basyp kele jatqan jas daryndardy köptıŋ aldyna şyǧaryp, jaŋa esımderdı tanytu;
Qazaq halqynyŋ ruhani, mädeni qūndylyqtaryn keleşek ūrpaqqa jetkızu;
Küişıler baiqauynyŋ ötkızılu şarttary
1. Saiystyŋ ūiymdastyruşysy: Astana qalasy äkımdıgınıŋ «Bırlesken mūrajailar direksiiasy» MKQK, Säken Seifullin mūrajaiy qūrylymdyq bölımşesı.
2. Qalalyq küişıler baiqauy sazger, memleket qairatkerı, qazaq muzykasynyŋ janaşyry Säken Seifullinnıŋ 130 jyldyq mereitoiyna arnalady.
3. Qalalyq küişıler baiqauy 2024 jyldyŋ mamyr aiynyŋ 31 künı (saǧ.11:00-de) Astana qalasy, Säken Seifullin muzeiınde ötedı.
4. Saiysqa 16-40 jas aralyǧyndaǧy Astana tūrǧyndary qatysa alady.
5. Saiysqa qatysuşylardy tırkeu 30 mamyr künıne deiın jalǧasady, tırkeu onlain jürgızıledı.
6. Baiqauǧa qatysuşylar saiys ötetın mekemede saǧ.10:00-de boluy mındettı.
7. Saiys bır kezeŋnen tūrady. Ümıtker saiysta bügıngı künı ūmyt bola bastaǧan küişıler şyǧarmasyn oryndauǧa mındettı.
8. Qazylar alqasynyŋ qūramy ūiymdastyruşy mekemenıŋ kelısımımen taǧaiyndalady. Olardyŋ qabyldaǧan şeşımı tüpkılıktı jäne ol talqylanbaidy.
9. Qazylar alqasy belgılengen jüldelı oryndardy ümıtkerler arasynda böluge qūqyly (bas jüldenı qospaǧanda).
10. Qazylar alqasy saiys barysynda ümıtkerdıŋ küi oryndau şeberlıgıne qarai küidı toqtatuǧa qūqyly. 11. Küişılerge demeuşı bolamyn deuşılerge şekteu qoiylmaidy. Kez kelgen demeuşı ūiymdastyru komitetınıŋ kelısımımen arnaiy syilyq taǧaiyndai alady.
Küişılerge qoiylatyn talaptar
Baiqauǧa kez-kelgen ataǧy bar küişıler qatystyrylmaidy.
1. Oryndauşylyq şeberlıgı;
2. Küi oryndau erejesınıŋ saqtaluy;
3. Sahna mädenietın saqtap, ūlttyq kiımde boluy;
4. Erejede körsetılgen şyǧarmadan auytqymau;
Yntalandyru 1. Bas jülde – 1 (bıreu) 400 dollar 2. I oryn – 1 (bıreu) 250 dollar 3. II oryn – 1 (bıreu) 200 dollar 4. III oryn – 1 (bıreu) 150 dollar Küişıler baiqauyna qatysuşylarǧa qazylar alqasynyŋ şeşımımen diplomdar, yntalandyru syilyqtary («Syrsandyq» seriiasynyŋ tomdyqtary) berıledı.
Ümıtkerdı tırkeu tärtıbı 1. Jeke basyn kuälandyratyn kuälık köşırmesı; 2. Qatysuǧa ötınım (ötınım baiqau bolatyn künı qabyldanady); 3. Ümıtkerdıŋ bailanys telefony; (Ötkızılgen qūjattar qaitarylmaidy)
Qosymşa mälımetter Bailanys telefondary: +7 777 997 44 92 Toqtarbaeva Alua Bökenbaiqyzy Qabyldau bölmesı: +7(7172) 99-80-42 E-mail: seifullin_museum@mail.ru
