Qytaidyŋ Pekin qalasynda Şanhai yntymaqtastyq ūiymy memleketterınıŋ qūqyq qorǧau basqarmalary bas qosty. Qazaqstandyq delegasiiany Astana qalasy Işkı ıster departamentınıŋ basşysy polisiia general-maiory Amantai Äubäkırov bastap bardy.
Atalmyş konferensiianyŋ maqsaty aiqyn. Elder arasyndaǧy yntymaqtastyqty nyǧaitu, qauıpsızdık pen tūraqtylyqty qorǧau, dostyq qarym-qatynasty jaqsartudy közdeidı. Aşylu saltanatynda söz söilegen Qytaidyŋ Memlekettık keŋes müşesı jäne Qoǧamdyq qauıpsızdık ministrı Go Şenkun astanalyq poliseilerdı terrorizmmen, kiberqylmystarmen, esırtkı jäne transūlttyq ūiymdasqan qylmystarmen bırlese küresuge şaqyrdy. Öz kezegınde departament basşysy Amantai Äubäkırov Şanhai ūiymy memleketterınıŋ
polisiiasymen aşyq jäne elordalyq täjıribemen bölısuge daiyn ekendıgın atap öttı.
Odan keiın konferensiiaǧa qatysuşylar Pekinnıŋ Jedel basqaru ortalyǧyna baryp, arnaiy bölım qyzmetkerlerınıŋ dene daiyndyqtaryn baqylady. Beijıŋdık poliseiler qoian-qoltyq küresınıŋ elementterın körsetıp, tūtqynǧa tüskenderdı türlı jaǧdailardan bosatyp alu: ǧimarattan, avtokölıkten, qylmyskerlerdı qūryqtau, türlı qarulardan jasalatyn snaiperlık daǧdylar, jappai tärtıpsızdık kezındegı ıs-äreketter algoritmın körsettı. Poliseilerge arnaiy tehnikanyŋ körsetılımı de ūsynyldy.
Aita ketken jön, ötken qazan aiynda resmi sapar aiasynda Qytaidyŋ Ninsia-Hueilık avtonomdy audany men Şansi provinsiiasynyŋ Qoǧamdyq qauıpsızdık departamentı qyzmetkerlerı Astana qalasy Işkı ıster departamentınde bolyp, özara täjıribe almasqan edı. Jedel-ızdestıru şaralaryn jürgızu maqsatynda Astana qalasyna Reseiden, Qyrǧyztan jäne Özbekstan elınen de ärıptester bırneşe märte kelıp kettı.
– Keler jyly Astanada
«EKSPO-2017» halyqaralyq körmesı ötkızıledı. Soǧan orai keŋ auqymdy halyqaralyq ıs-şaralardy ötkızu kezınde qoǧamdyq qauıpsızdık pen tärtıptı qorǧaudy qamtamasyz etu boiynşa mūndai täjıribe almasu özektı, – deidı A.Äubäkırov.
Gülmira AIMAǦANBET
