Astanada İmanbaeva köşesı bar. Ol A.Baraev köşesınen bastalyp, Otyrar köşesınde aiaqtalady. Ä.Ysmaiylov, Ramazan, Jänıbek Tarhan, Aqmola, Aǧybai batyr, Baianauyl, A.İmanov, M.Dulati, Kenesary köşelerın qiyp ötedı. Köşenıŋ ūzyndyǧy – 1158,8 m.
Şolpan İmanbaeva – qazaqtyŋ aqyn qyzy. Aqmola oblysy, Qorǧaljyn audanynyŋ tumasy. Bar bolǧany 22 jyl ömır sürgen. Artynda öz zamanynda ǧūmyr keşken qazaq äielderınıŋ mūŋ-mūqtajyn, arman-tılegın jyrlaǧan «Qazaq äielıne», «Apaiyma», «Qoŋyr qaz», «Jolauşy men jūmysker» jäne «Būlbūl men qarǧa», «Zeinepke», «Jäkeŋ jaman sasady» sekıldı qoǧamdaǧy ūnamsyz qūbylystardy ötkır synǧa alǧan ölmes öleŋderı qaldy. Şyǧarmalary mazmūny ötkırlıgımen, tılınıŋ körkemdıgımen erekşelenedı…
Aita ketken jön, aqynǧa berılgen köşe atauyn özımızdıŋ qazaqtar älı künge deiın jiı şatastyrady. Būl turaly ılgerıde de aitqanbyz. Äzırge nätijesız. İmanbaeva orysşasy şyǧar dep, qazaqşa İmanbaev köşesı dep aityp jür. Sol köşenıŋ boiynda oryn tepken ırılı-ūsaqty keibır mekemeler resmi türde mekenjaiynda köşenıŋ atauyn Ş.İmanbaev köşesı dep körsetıp, qazaqtyŋ aqyn qyzynyŋ tegın özgertıp aitudy ädetke ainaldyrǧaly qaşan?!
Mäselen, 54 mektep-lisei, İmanbaev, 4, «Stroiarhekspertiza.kz» JŞS, İmanbaev köşesı, 5v, keŋse 9, «Şaŋyraq» tūrǧyn üi keşenı, İmanbaev, 5, «Dream Team» kompaniiasy, İmanbaev köşesı, 8/3… dep jalǧasa beredı.
Al orysşa nūsqasynda atalǧan mekemeler tügelımen «ulisa İmanbaeva» dep jazady.
Dūrysy, qazaq tılınde – «Şolpan İmanbaeva köşesı», orys tılınde – «ulisa İmanbaevoi» emes pe?!
Gülmira ŞARHANQYZY
