Bügın Elbasy Nūrsūltan Nazarbaevtyŋ qatysuymen «Qazaqstandaǧy jaŋa industriialandyru: ornyqty damu men progress üşın» atty jalpyūlttyq teleköpır ötedı. Osy industriialandyru künı aiasynda Astana qalasynda qūrylys materialdaryn öndıretın zamanaui zauyt ıske qosylady. Onda arnaiy qūrylys qospalary men jylu oqşaulauǧa arnalǧan önımder şyǧarylady.
Keşe Astana qalasynyŋ äkımı Äset İsekeşev pen «Selena FM S.A.» Direktorlar Keŋesınıŋ töraǧasy Kşiştof Domareski nysandy ıske qosu mäselesın talqylady. Käsıporyn öndıretın qūrylys jūmystaryna qajettı önımder EO-da sertifikattalǧan. Zauyttyŋ öndırıstık sehy 5 myŋ şarşy metr aumaqty alady. Jobanyŋ maqsaty – bäsekege qabılettı joǧary tehnologiialyq öndırıs qūru. Sonymen qatar, qūrylys salasyna innovasiialyq jäne energiia ünemdeuşı tehnologiialardy endırudı, qosymşa jūmys oryndaryn qūrudy, Orta Aziia men Reseige önım eksporty üşın mümkındıkter jasaudy közdeidı.
Qala äkımdıgınıŋ baspasöz qyzmetınıŋ habarlauynşa, zauyttyŋ önımderı ǧimarattyŋ energetikalyq tiımdılıgın arttyryp qana qoimai, auaǧa tastalatyn CO2 kölemın azaituǧa da mümkındık bermek. Joba boiynşa 70 adam jūmyspen qamtylady. Onyŋ öndırıstık quaty jylyna 10 000 tonnaǧa juyq dispersiondyq jäne 120 000 tonna qūrǧaq qospany qūraidy. Önımnıŋ 40%-y eksportqa şyǧarylady.
Aita keteiık, «Selena grupp» kompaniiasy 1992 jyly qūrylǧan. Öz önımderın älemnıŋ 70 elıne jetkızedı.
